ސައިކަލެއްގެ ޕޮކެޓްގައި އޮތް ފޯނެއް ވަގަށް ނެގި މީހަކު ހޯދަނީ

ސައިކަލެއްގެ ޕޮކެޓުގައި އޮތް ފޯނެއް ވަގަށް ނެގި މައްސަލައަކާ ގުޅިގެން މީހަކު ހޯދުމުގެ މަސައްކަތް ފަށައިފިއެވެ.

Ads by MWSC

ވީޑިއޯ އާންމުކުރަމުން ފުލުހުން ވިދާޅުވީ އެ ވީޑިއޯއިން ފެންނަ މީހާއަކީ 2021 އޮކްޓޯބަރު 23ވަނަ ދުވަހުގެ ހަވީރުގެ ވަގުތެއްގައި ޝަހީދު ޢަލީ ހިނގުމުގައި ޕާކްކޮށްފައި ހުރި ސައިކަލެއްގެ ޕޮކެޓްގައި އޮތް މޯބައިލް ފޯނެއް ވަގަށް ނަގައިފައިވާކަމަށް ތުހުމަތުކުރެވޭ މައްސަލައަކާ ގުޅިގެން ގަލޮޅު ޕޮލިހުން ކުރަމުންދާ ތަހުގީގަށް ހޯދަން ބޭނުންވެ، ފުލުހުން މިހައިތަނަށް ކުރި މަސައްކަތުން ކާކުކަން ދެނެގަނެވިފައި ނުވާތީ ނުހޯދިފައިވާ މީހެއް ކަމަށެވެ.

އެ ވީޑިއޯއިން ފެންނަ މީހާއާ ބެހޭ އެއްވެސް މައުލޫމާތެއް ލިބިފައިވާ ނަމަ ގަލޮޅު ޕޮލިސްގެ ނަންބަރު 9631696އަށް ގުޅައި ހިއްސާކުރެއްވުމަށް ފުލުހުން ވަނީ އެދިފައެވެ.