8 ރަށެއްގައި ހިންގާ މަޝްރޫޢުތަކަށް އެޑްވާންސް ފައިސާ ދޫކޮށްފި
8 ރަށެއްގައި ހިންގުމަށް ހަމަޖެހިފައިވާ ބައެއް މަޝްރޫޢުތަކުގެ އެޑްވާންސް ފައިސާގެ ގޮތުގައި 5.49 މިލިއަން ރުފިޔާ ދިވެހި ސަރުކާރަށް ދޫކޮށްފިއެވެ.
މި މަޝްރޫޢުތައް ތަންފީޒުކުރުމަށް ބޭނުންވާ އެމް.އޯ.ޔޫތައް ނިންމައިލައިފައި ވަނީ 21 އޮކްޓޯބަރ 2021 ގައެވެ. ކައުންސިލްތަކުން މި މަޝްރޫޢުތައް ހިންގުމަށް ހަމަޖެހިފައި ވަނީ 2021 ވަނަ އަހަރުގެ ޖުލައި މަހު ލިބުނު 70 މިލިއަން ރުފިޔާގެ ހިލޭ އެހީގެ ދަށުންކަން އެނގިފައިވެއެވެ.
ޖުމްލަ 36.5 މިލިއަން ރުފިޔާ ޚަރަދުކޮށްގެން ކުރިއަށްގެންދާ މި 8 މަޝްރޫޢަކީ ރާއްޖޭގެ 7 އަތޮޅެއްގައި ކުރިއަށްގެންދާ މަޝްރޫޢުތަކެކެވެ. އެއީ ތ،ލ،ހއ،ނ،ކ،އދ އަދި ގދ.އެވެ. އޭގެ ތެރޭގައި ތ.ތިމަރަފުއްޓާއި ތ.ވޭމަންޑޫގައި މަގުބައްތި ހަރުކުރުމާއި، ލ.މާބައިދޫގައި އައިސް ޕްލާންޓެއް ޤާއިމުކުރުން، އދ. ދަނގެތީ އައު ކަލްޗަރަލް ސެންޓަރެއް އިމާރާތްކުރުން، ނ.މިލަދޫ ކައުންސިލް އިމާރާތް ބިނާކުރުން، ގދ.ތިނަދޫ އަބޫބަކުރު ސްކޫލް، ލ.ގަމު އިހައްދޫ ސްކޫލް އަދި ހއ. ދިއްދޫ އަތޮޅު ތަޢުލީމީ މަރުކަޒުގައި އިންކްލޫސިވް އެޑިޔުކޭޝަން ސަޕޯޓް ޔުނިޓް އެޅުން ، އެމް.އެން.ޑީ.އެފްއަށް ބޭނުންވާ ސީ އެމްބިއުލެންސް ހޯދުމާއި، މާލޭގެ އޮލިމްޕަސް ތިއޭޓަރ އަޕްގްރޭޑް ކުރުމުގެ މަސައްކަތް ހިމެނެއެވެ.
ދެހާސް ނަވާރަ ވަނަ އަހަރުގެ މާރިޗު މަހު ދޫކުރި 85 މިލިއަން ރުފިޔާގެ ހިލޭ އެހީގެ ދަށުން ރާއްޖޭގެ އެކި ކަންކޮޅުތަކުގައި ހައި އިމްޕެކްޓް 12 މަޝްރޫޢެއް ރަށު ކައުންސިލްތަކުން ދަނީ ހިންގަމުންނެވެ. އިންޑިއާއިން 106 މިލިއަން ރުފިޔާގެ ކޭޝް ގްރާންޓް ދޫކޮށްފައި ވާއިރު ،ތަރައްޤީގެ 18 މަޝްރޫޢެއް ވަނީ ތަންފީޛު ކޮށްފައެވެ. މި 30 ގްރާންޓް ޕްރޮޖެކްޓްގެ ތެރެއިން 16 މަޝްރޫޢެއްގެ މަސައްކަތް ވަނީ ނިމިފައެވެ.
