މާލީގެ ކުރީގެ ރައީސް އަވަހާރަވެއްޖެ
މާލީގެ ކުރީގެ ރައީސް އިބްރާހިމް ބޫބަކާ ކެއިޓާ (އައިބީކޭ) އަވަހާރަވެއްޖެއެވެ.
އުމުރުފުޅުން 76 އަހަރުގައި ރައީސް އައިބީކޭ މިއަދު އަވަހާރަވެއްޖެކަން، އެމަނިކުފާނުގެ އާއިލާއިން ވެސް މިހާރު ވަނީ ބޭރުގެ މީޑިއާތަކަށް މައުލޫމާތު ދެއްވައިފައެވެ.
"ރައީސް އައިބީކޭ އަވަހާރަވީ މިއަދު ހެނދުނު 9:00 ޖަހާކަން ހާއިރު. އޭނާ އަވަހާރަވީ ވެރިރަށް ބަމާކޯގައި ހުންނަ އޭނާގެ ގޭގަ ހުންނަވަނިކޮށް" އާއިލާގެ ފަރާތުން ބުނެފައިވެއެވެ.
ރައީސް އައިބީކޭ އަވަހާރަވީ ސިއްޙީ ގޮތުން ކޮން ސަބަބަކާ ހެދިކަމެއް އަދި އެނގިފައެއް ނުވެއެވެ.
ކޮރަޕްޝަނަށް "ޒީރޯ ޓޮލަރަންސް" ދެއްކެވި ރައީސް އައިބީކޭ ވަނީ އެ ޤައުމުގެ ކުރިއެރުމަށާއި ތަރައްޤީއަށް ގިނަގުން މަސައްކަތްތަކެއް ކުރައްވައިފައި ކަމަށް ރިޕޯޓުތަކުން ބުނެއެވެ.
2013ވަނަ އަހަރު މާލީގެ ވެރިކަމާ ހަވާލުވި ރައީސް އައިބީކޭ ވަނީ އެމަނިކުފާނުގެ ދައުރުގެ ފަސް އަހަރު ހަމަކޮށްފައެވެ.
Ads by STO
