މި ސަރުކާރަކަށް މާގިނަ ދުވަހެއް ނެތް: ޝުޖާއު
ރައީސް އިބްރާހީމް މުހައްމަދު ޞާލިހްގެ ސަރުކާރަށް މާގިނަ ދުވަހެއް ނެތް ކަމަށް ޕީއެންސީގެ ނައިބު ރައީސް އިބްރާހީމް ޝުޖާއު ވިދާޅުވެއްޖެއެވެ.
އޭނާ މިހެން ވިދާޅުވެފައި ވަނީ މިއަދު ކުރެއްވި ޓްވީޓެއްގައެވެ. ޝުޖާއު ވިދާޅުވީ ހެދިހައި ގޮތެއް ހެދިގެން، ދިވެހި ރައްޔިތުން ނުތިބޭނެކަން އެމްޑީޕީން ދަންނަން ޖެހޭނެ ކަމަށެވެ.
"ވައްކަންކޮށް ދައުލަތް ހުސްކޮށްފި. ހުސް ވަގުން." އޭނާ ވިދާޅުވިއެވެ.
ޝުޖާއު މިހެން ވިދާޅުވެ ކުރެއްވި ޓްވީޓުގައި އިންޑިއާ ސިފައިން ރާއްޖެއިން ބޭލުމަށް ގޮވާލައި ހިންގާ "ޑިފެންޑް މޯލްޑިވްސް" ހަރަކާތުގެ ލޯގޯގެ ފޮޓޯއެއް ވެސް ހިއްސާ ކުރެއްވިއެވެ.
ޕީޕީއެމް-ޕީއެންސީގެ ކޯލިޝަނުން ކުރިއަށް ގެންދާ އިންޑިއާ އައުޓް ކެމްޕެއިން ވަރަށް ބޮޑަށް ފުޅާކޮށްފައިވާއިރު، މި ފަދަ ހަރަކާތުގެ ބައިވެރިންނަށް ޖަލު އަދަބު ދެވޭ ފަދަ ބިލެއް ފާސްކުރުމަށް އެމްޑީޕީން ދަނީ މަސައްކަތް ކުރަމުންނެވެ.
