ތިނަދޫން މިއަދު ގިނަ ބަޔަކު ކޮވިޑަށް ފައްސިވެއްޖެ
ގދ. ތިނަދޫން އިތުރު 42 މީހުން ކޮވިޑް-19އަށް ފައްސިވެއްޖެއެވެ.
ތިނަދޫން މިހާރު 2079 މީހުން ކޮވިޑް-19އަށް ފައްސިވެފައިވެއެވެ. އެ ރަށުގައި ހަރަކާތްތެރި ވޭދަނައިގެ ގޮތުގައި 107 މީހުން އެބަތިއްބެވެ.
ތިނަދޫގެ އެންމެ ފަހުން އާންމުކުރި ތަފާސް ހިސާބުތަކުން ދައްކާ ގޮތުގައި ކޮވިޑަށް ޓެސްޓު ކުރުމަށް ނެގި ސުންކުތަކުގެ ތެރެއިން ނަތީޖާ ނުލިބި 24 ސުންކެއް ވެއެވެ. މި ބައްޔަށް ފައްސިވީ މީހުންގެ ތެރެއިން 1967 މީހުން ތިނަދޫން ވަނީ ފަސޭހަވެފައެވެ.
ތިނަދޫން ވަކި ތަރުތީބެއް ނެތި ނެގި ސުންކުތަކެއް ކޮވިޑަށް ފައްސިވުމާ ގުޅިގެން އެރަށް މޮނިޓަރިން ހާލަތަށް ގެނެވިފައި ވަނީ މިދިޔަ މަހުގެ 23ވަނަ ދުވަހުއެވެ. ތިނަދޫއިން މިއަދު ގިނަ ވޭދަނަތަކެއް ފެނިފައި ވަނީ އެ ރަށުގެ ކޮވިޑް ހާލަތު ރަނގަޅުވެފައި އޮންނަތާ ހަފްތާއެއްހައި ދުވަސްފަހުންނެވެ.
ތިނަދޫ ޑރ.ޢަބްދުއްޞަމަދު މެމޯރިއަލް ހޮސްޕިޓަލުން ވަނީ ރައްކާތެރިކަމުގެ ފިޔަވަޅުތައް އެޅުމަށް އާންމުންނަށް އިލްތިމާސްކޮށްފައެވެ. އަދި އެއްތާވި މީހުންނާ ގުޅޭ އެއްވެސް މައުލޫމާތެއް ހިއްސާ ކުރައްވަން ބޭނުން ނަމަ ތިނަދޫ ކޮވިޑް ހޮޓްލައިން ނަންބަރު 7934641އާ ގުޅުއްވައި މައުލޫމާތު ހިއްސާ ކުރެއްވުމަށް ވެސް އެ ހޮސްޕިޓަލުން އެދެއެވެ.
Ads by STO
