އިންތި އެދިވަޑައިގެންނެވި އެއްވެސް މީހަކަށް ވަޒީފާ ނުދޭތީ ޝަކުވާ ކުރައްވައިފި
ވެރިކަން ކުރާ މައި ޕާޓީ، އެމްޑީޕީގެ މެމްބަރުންނާ މެދު، އެ ޕާޓީގެ ސަރުކާރުން ބޯކޮށް ނާއިންސާފުވަމުންދާ ކަމަށާއި، އޭނާ ވަޒީފާ ދިނުމަށް އެދިވަޑައިގެންނެވި އެމްޑީޕީގެ މާފަންނު އުތުރު ދާއިރާގެ އެއްވެސް މީހަކަށް ވަޒީފާއެއް ދީފައި ނުވާ ކަމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ(އިންތި) ވިދާޅުވެއްޖެއެވެ.
ރައްޔިތުންގެ މަޖިލީހުގެ މިިއަދުގެ ޖަލްސާގައި، އެމްޑީޕީގެ އެެތެރޭގެ އިންތިޚާބާ ދިމާކޮށް، އެޕާޓީއަށް ނިސްބަތްވާ ފަރާތްތައް ވަޒީފާއިން ވަކި ކުރާ ކަމަށް ބުނެ ހުށަހެޅި ކުއްލި މައްސަލައަށް ބަހުސް ކުރައްވަމުން، އިންތި ވިދާޅުވީ އެމްޑީޕީގެ މެމްބަރުންނާ މެދު ނާއިންސާފުން ކަންތައްތައް ކުރުމަކީ "ފުޅާ"ކޮށް ހިނގަމުން އަންނަ ކަމެއް ކަމަށާއި، އޭނާ އެދިވަޑައިގެންނެވި ގޮތަށް މާފަންނު އުތުރު ދާއިރާގެ އެއްވެސް މީހަކަށް ވަޒީފާ ދީފައި ނުވާ ކަމަށެވެ.
އަދި މިކަމުގެ ހެކި އެބަހުރިކަމަށް ވެސް އިންތި ވިދާޅުވިއެވެ.
"ވަކި މީހަކަށް ތާއީދު ނުކުރަނީ ނަމަ، ބިރު ދައްކާ، އިންޒާރުދީ، މި ހުރިހާ ކަމެއް، އިއްޒަތްތެރި ރައީސް، އެބަ ހިނގަމުންދޭ." އިންތި ވިދާޅުވިއެވެ.
އިންތި ވިދާޅުވީ ކޮންމެ އިންތިޚާބެއްގައި ވެސް، އެމްޑީޕީއަށް އެންމެ ބޮޑު އިންސައްތައަކުން ކާމިޔާބު ލިބޭ އެއް ދާއިރާއަކީ މާފަންނު އުތުރު ދާއިރާ ކަމަށެވެ.
"އަޅުގަނޑުމެންގެ އެ ދާއިރާއިން އެންމެ މީހަކަށް ވެސް ވަޒީފާ ނުދީ އެވަނީ. ބޮޑު ވެގެންވާ ނާއިންސާފެއް، އިއްޒަތްތެރި ރައީސް. އަޅުގަނޑަކީ މި މަޖިލީހަށް ނިސްބަތްވާ ތިންވަނަ ދައުރު އަދާ ކުރަމުންދާ މީހެއް. އަޅުގަނޑުގެ ރިކުއެސްޓަކަށް ސިޔާސީ މަގާމެއް ދޭން ހުށަހެޅީމާ، މާ ފަހުން، ފުރަތަމަ ދައުރަށް ހޮވިވަޑައިގަންނަވާ ބޭފުޅުން އަޅުގަނޑުމެންގެ މައްޗަށް އިސްކޮށްފައި އެބަ ވަޒީފާ ދެވޭ. "އޭނާ ވިދާޅުވިއެވެ.
އިންތި ވިދާޅުވީ މިއީ ހެޔޮވެރިކަމެއް ނޫން ކަމަށާއި، އިންސާފެއް ކުޑަކޮށް ވެސް ނެތް ކަމަށެވެ.
ޙަހަހަހަހަހަހަހ. ދެން ލަލަލަލަ
ވަރަށް މޮޅު
ލަދުގަންނަން ޖިހޭ ތިޔަ ހެންބުނަން ވަކިބަޔަކަށް ދޭށޭ
ވަޒީފާޔަކީ ތިހެން ދޭންޖިހޭ އެއްޗެއްތޯ ބަލަ މަނިކްފާން
މީ އަޅެފަހެ ލަދެއް ހަޔާތެއްވެސް ނެތް ބަޔަކީ ތޯއެވެ. މީހަކު ބުނީތީ ވަޒީފާ ދޭން ސަރުކާރަކީ އަޅެފަހެ ތަރިކަ މުދާ ތޯއެވެ. ނޫނީ އަމިއްލަ ކުންފުނި ތޯއެވެ. އިއްޔެ ޓީވީ ހުޅުވާލެވުނު އިރު ހީވީ އެމްޑީޕީ ހަރުގެ ޖަލްސާއެއް ބެލޭހެނެވެ. ގައިމު ލަދެއް ހަޔާތެއް އަދި ތިމާމީހާ ހޮވާފަހުރި ބޭނުމާއި ކުރި ހުވާ އެނގޭނަމަ ލަދުވެތިވާނެއެވެ. ރިޔާސަތުވެސް އެހެނެވެ. މީދެން ތަންފުކެއް ބޮޑުވަރެވެ.