މަޑުއްވަރީގެ ފެނުގެ ނިޒާމާ ގުޅޭ ގޮތުން މިނިސްޓަރާ މަޝްވަރާ ކޮށްފިން: އާދަމް ޝަރީފް
ރ.މަޑުއްވަރީގެ ފެނުގެ ނިޒާމުގެ ހިދުމަތް އަވަސް ކުރުމާ ގުޅޭ ގޮތުން، އެންވަޔަރމަންޓް މިނިސްޓަރު އައިމިނަތު ޝައުނާއާ މަޝްވަރާ ކުރައްވައިފައިވާ ކަމަށް އެދާއިރާގެ މަޖިލީހުގެ މެމްބަރު، އަދި ޕީއެންސީގެ ނައިބު ރައީސް އާދަމް ޝަރީފު އުމަރު ވިދާޅުވެއްޖެއެވެ.
ކުރީގެ ދިފާއީ ވަޒީރު މިކަން ހާމަކުރެއްވީ މިއަދު ކުރެއްވި ޓްވީޓެއްގައެވެ. އޭނާ ވިދާޅުވީ މަޑުއްވަރީގެ ފެން ލޮނުވުމާއި، ފެނުން ނުބައި ވަސް ދުވާތީ، އެ ރަށުގައި ގާއިމުކޮށްފައިވާ ފެނުގެ ނިޒާމުގެ ހިދުމަތް ދިނުން މިނިސްޓަރު ޝައުނާއާ މިއަދު މަޝްވަރާ ކުރެވުނު ކަމަށެވެ. އަދި ވަރަށް އަވަަހަށް އެ ހިދުމަތްދޭން ފަށާނެ ކަމަށް މިނިސްޓަރު ވިދާޅުވިކަން ވެސް އޭނާ ފާހަގަކުރެއްވިއެވެ.
ރާއްޖޭގެ ހުރިހައި ރަށްތަކުގައި ފެނާއި ނަރުދަމާގެ ހިދުމަތް ގާއިމު ކުރުމަކީ ރައީސް އިބްރާހީމް މުހައްމަދު ސޯލިހުގެ ސަރުކާރުގެ މުހިންމު އަމާޒެކެވެ. އެގޮތުން މި މަސައްކަތް "ސުމަކުން" ފަށަން ޖެހުނު ނަމަވެސް، ދޫނުކުރައްވާނެ ކަމަށް އެ މަނިކުފާނު މީގެ ކުރިން ވިދާޅުވެފައިވެއެވެ.
އެކަން ކުރާނެކަން އެނގެހުރެ،، ރައްޔަތުންގެ،،ލޯބިހޯދަން ހާސަރެއްދަމަނި،،
އެކަން ކުރެވޭނީ ހަމައެކަނި ތިޔަމީހާއަށް،،