ކަނޑައިގެން ގޮސްފައިވާ ކަނދުފަތިތައް އެޅުމުގެ މަސައްކަތް ފަށައިފި
ކަނޑައިގެން ގޮސްފައިވާ ކަނދުފަތިތައް އެޅުމުގެ މަސައްކަތް ފަށައިފިއެވެ.
ފިޝަރީޒް މިނިސްޓްރީން މިއަދު ބުނީ ދޮށީގެ މަސްވެރިކަމަށާއި ވަދު މަސްވެރިކަމަށް އަމާޒުކޮށް އަޅާފައިވާ ކަނދުފަތީގެ ވިއުގައިން އެކި ސަބަބުތަކާހުރެ ކަނޑައިގެން ގޮސްފައިވާ ކަނދުފަތިތައް
އެޅުމުގެ މަސައްކަތް ފަށާފައިވާ ކަމަށެވެ.
މިނިސްޓްރީން ހާމަކުރި ގޮތުގައި 08 ކަނދުފަތި ވަނީ ކެނޑިފައެވެ. އޭގެތެރޭގައި ހިމެނެނީ ހއ.ފިއްލަދުއާއި, ށ.ކޮމަންޑުއާއި, ޅ.ފާދުއާއި, ކ.ކާށިދުއާއި, ކ.މާފުށްޓާއި, އއ.އުކުޅަހާއި, ތ.ހިރިލަންދޫ ހިމެނޭ ސަރަހައްދުގައި އަޅާފައިވާ ކަނދުފަތިތައްކަމަށް މިނިސްޓްރީން ބުންޏެވެ.
މިނިސްޓްރީން ބުނީ އޭގެތެރެއިން ހއ.ފިއްލަދުއާއި, ށ.ކޮމަންޑުއާއި, ޅ.ފާދުއާއި, ކ.މާފުށްޓާއި, އއ.އުކުޅަހާއި ކަނދުފަތި އެޅުމުގެ މަސައްކަތް ކުރުމަށް އެ މިނިސްޓްރީގެ ކަނދުފަތި ޓީމުން މިހާރު ދަތުރު ފަށާފައިވާ ކަމަށެވެ. އަދި ބާކީ ހުރި ކަނދުފަތިތައް އެޅުމަށް މިނިސްޓްރީގެ ޓެކްނިކަލް ޓީމް މިހާރު ދަނީ ތައްޔާރުވަމުންދާ ކަމަށެވެ.
މިނިސްޓްރީން ބުނި ގޮތުގައި ކަނދުފަތި ކަނޑައިގެންދާ އެއް ސަބަބަކީ އުޅަނދުފަހަރު އެ ކަނދުފަތީގައި ވާ އައްސައި ބަނދެގެން ތިބުމެވެ. އެހެންކަމުނ އެ ފަދަ ކަންކަން ނުކުރުމަށް އެންމެހާ މަސްވެރިންނަށް މިނިސްޓްރީއިން ވަނީ އިލްތިމާސްކޮށްފައެވެ.
Ads by STO
