ރައީސް ޔާމީންގެ މައްސަލަ ބެއްލެވި ފަނޑިޔާރު މަހާޒުގެ ސުލޫކީ މައްސަލައެއް ބަލަނީ
ސުޕްރީމް ކޯޓުގައި ރައީސް ޔާމީންގެ މައްސަލަ ބެއްލެވި ފަނޑިޔާރު މަހާޒް ޢަލީގެ ސުލޫކީ މައްސަލައެއް ބެއްލެވުމަށް ޖޭއެސްސީން ނިންމަވައިފިއެވެ.
ގއ.ވޮޑަމުލާ ކުއްޔަށް ދޫކުރުމުގެ މުޢާމަލާތުގެ ތެރެއިން، މަނީ ލޯންޑަރ ކުރެއްވިކަމުގެ ތުހުމަތުކޮށް، ރައީސް ޔާމީންގެ މައްޗަށް އުފުލި ދަޢުވާ ދަށު ކޯޓުގައި ސާބިތުވުމުން އެމަނިކުފާނުގެ ފަރާތުން އިސްތިއުނާފު ކުރި މައްސަލައިގައި ސުޕްރީމް ކޯޓުގެ ފަނޑިޔާރުންގެ ބެންޗުގެ ރިޔާސަތު ބެލެހެއްޓެވީ އެ ކޯޓުގެ ފަނޑިޔާރު މަހާޒެވެ.
މަހާޒަށް ކުރަނީ އިސްތިއުނާފީ މައްސަލައެއްގައި އިއްވެވި ޙުކުމަކާއި ގުޅިގެން، ހަސްމަކާއި ގުޅުން ހުރި މީހަކު ދިން ފަރިއްކޮޅަކާ ހަވާލުވެވަޑައިގެންނެވިކަމުގެ ތުހުމަތެވެ.
މި މައްސަލަ ބައްލަވަމުން އަންނަކަން ޖޭއެސްސީން ކަށަވަރު ކޮށްދެއްވައެވެ.
ރައީސް ޔާމީނަށް ކުރި ފަސް އަހަރުގެ ޖަލު ޙުކުމް ބާޠިލުކޮށް، އެމަނިކުފާނު މިނިވަންކުރަން ސުޕްރީމް ކޯޓުން ނިންމައިފައިވަނީ ތިން ފަނޑިޔާރުންގެ އިއްތިފާޤުންނެވެ.
މައްސަލަ ބެއްލެވި ބެންޗުގެ ރިޔާސަތުގައި އިންނެވީ ފަނޑިޔާރު މަހާޒް ޢލީ ޒާހިރެވެ. އޭނާގެ ރަޢުޔަށް އަނެއް ދެ ފަނޑިޔާރުން ވަނީ ތާއިދު ކުރައްވާފައެވެ. އެއީ ފަނޑިޔާރު ޑރ. މުހައްމަދު އިބްރާހިމާއި ފަނޑިޔާރު ޑރ. އަޒްމިރަލްދާ ޒާހިރުއެވެ.
ފަނޑިޔާރުންނަށް ބިރުދައްކާ ސަރުކާރު ޖޭ އެސް ސީ އަށް އަތާއި، ފަޔާއި، ދެންވެސް ބޭނެން އޮތްއެއްޗެއް ބާނައިގެން ގޮށްމުށުގެ ބާރުން ވެރިކަންކުރާ ސަރުކާރު ރައްޔިތުންނަށް ބަލާޖައްސާ ސަރުކާރު ވަގުއިބޫ ސަރުކާރު ތިމަންމީހާ ކައިފަ އެހެންމީހުން ބަދުނާމުކުރުންނޫންކަމެއް ކުރާކަށް އިބޫނުދަނޭ އަވަހަށް އިސްތިއުފާދޭންވީ ވަގުއިބޫ
ހިޔަޅު ސަރުކާރުން އެ އުޅެނީ ތި ފަނޑިޔާރު ބޭރުކޮށްލަން ތި މަގާމަށް ދެން ލާނީ އަލި ރަޝީދު، އަނެއްކާވެސް ހިޔަޅު ސަރުކާރުން އެ ފުމެނީ ރިޝްވަތު ދީގެން ވެސް ރޔާމީނަށް ޖަލުހުކުމެއް ކުރާނެ ޣައްދާރަކު ހޯދަން، މިކަމުން ވެސް ދޭހަވީ ރޔާމީނުގެ ކުށެއް ނެތްކަން،