އެމްޑީޕީ ޕްރައިމަރީ: ރައީސް ނަޝީދުވެސް ވޯޓު ލައްވައިފި
އެމްޑީޕީގެ ރިޔާސީ ޕްރައިމަރީގެ ވޯޓުލުން މިއަދު ކުރިއަށްދާއިރު، އެ އިންތިޚާބުގައި ވާދަ ކުރައްވާ ރައީސް މުޙައްމަދު ނަޝީދުވެސް ވޯޓު ލައްވައިފިއެވެ. .
ރައީސް ނަޝީދު ވޯޓު ލައްވާފައި ވަނީ ޖަމާލުއްދީނުގައި ހުރި ގަލޮޅު އުތުރު ފޮއްޓަށެވެ.
މި ޕްރިމަރީގައި ރައީސް ނަޝީދާ ވާދަ ކުރައްވާ ރައީސް އިބްރާހީމް މުޙައްމަދު ޞާލިޙު ވޯޓު ލެއްވީ، އިސްކަންދަރު ސްކޫލްގައި ހުރި ހިންނަވަރު ދާއިރާގެ ވޯޓު ފޮއްޓަށެވެ.
އަންނަ ސެޕްޓެމްބަރު މަހު 9 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބަށް އެމްޑީޕީގެ ފަރާތުން ވާދަކުރާނެ ކެންޑިޑޭޓަކު ކަނޑައެޅުމަށް އެމްޑީޕީގެ އެތެރޭގެ ރިޔާސީ ޕްރިމަރީގެ ވޯޓުލުން ފަށާފައިވަނީ މިއަދު 9 ޖެހި އިރުއެވެ.
ވޯޓުލައި ނިންމަން ހަމަޖެހިފައިވަނީ، ހަވީރު 5 ޖަހާއިރުއެވެ. މިއީ ރާއްޖޭގައި މިހައިތަނަށް، ސިޔާސީ ޕާޓީއަކުން ބާއްވާ އެންމެ ބޮޑު އިންތިޚާބެވެ. މި އިންތިޚާބުގައި 57،000އަށްވުރެ ގިނަ މީހުންނަށް ވޯޓުލުމުގެ ހައްޤު ލިބިގެންވާއިރު، 200އަށްވުރެ ގިނަ ވޯޓު ފޮށި ބަހައްޓައިފައިވެއެވެ.
