ރައީސް ނަޝީދު އަދިވެސް ބަލި ޤަބޫލު ކުރެއްވިކަން ހާމަ ނުކުރައްވާ
އެމްޑީޕީގެ ރިޔާސީ ޕްރައިމަރީން ނާކާމިޔާބީއާ ކުރިމަތިލައްވަން ޖެހިވަޑައިގެންނެވި ރައީސް މުޙައްމަދު ނަޝީދު އަދިވެސް ބަލި ޤަބޫލު ކުރެއްވިކަން ހާމައެއް ނުކުރައްވައެވެ.
އެމްޑީޕީން އިއްޔެ ބޭއްވި ރިޔާސީ ޕްރައިމަރީ ކާމިޔާބު ކުރެއްވީ އެމްޑީޕީގެ އިސް ލީޑަރު، ރައީސް އިބްރާހީމް މުޙައްމަދު ޞާލިޙެވެ. އިންތިޚާބުގެ ވަގުތީ ނަތީޖާއަށް ފަހުގައި، ރައީސް ނަޝީދު ޕަބްލިކްގައި އަދި އެއްޗެއް ވިދާލެއް ނުވެއެވެ.
އިންތިޚާބު ކާމިޔާބު ކުރެއްވި ރައީސް އިބްރާހީމް މުޙައްމަދު ޞާލިޙަށް 61 އިންސައްތަ ވޯޓު ލިބިލެއްވިއިރު، ނަޝީދަށް ލިބިވަޑައިގަތީ 39 އިންސައްތަ ވޯޓެވެ.
ރައީސް ނަޝީދު ބަލި ގަބޫލު ނުކުރައްވާއިރު، ކާމިޔާބީގަ ހިތްތިރިކޮށް ނާކާމިޔާބީގަ ހިތްވަރުގަދަކުރުމަކީ އެމް.ޑީ.ޕީ އިން ދަސްވި އަގުހުރި ފިލާވަޅެއް ކަމަށް ހުޅުމާލެ ދާއިރާގެ މެމްބަރު އަލީ ނިޔާޒު ވަނީ ވިދާޅުވެފައެވެ.
އިންތިޚާބުގެ ވަގުތީ ނަތީޖާތައް ދައްކާ ގޮތުން ނަޝީދަށް ލިބިވަޑައިގަތީ 15،641 ވޯޓެވެ. އެއީ ވޯޓްލީ މީހުންގެ 38.90 ޕަސެންޓް ވޯޓެވެ. ރައީސް ސޯލިހަށް ލިބިވަޑައިގަަތީ 24،566 ވޯޓެވެ. އެއީ ވޯޓްލީ މީހުންގެ 61.10 ޕަސެންޓް ވޯޓެވެ.
މި އިންތިހާބުގައި 57،255 މީހުންނަށް ވޯޓުލުމުގެ ހައްގު ލިބިފައިވާއިރު ވޯޓުލާފައިވަނީ 40،887 މީހުންނެވެ. އެއީ ވޯޓުލުމުގެ ހައްގު ލިބިފައިވާ މީހުންގެ 71 ޕަަސެންޓެވެ.
ވޯޓު އޮޅުވާ ވޯޓު ގަޑުބަޑު ކުރީމާ ބަލިވީކީ ނޫން އަދި ބަލި ގަބޫލު ކުރާކަށް ވެސް ނުޖެހޭ،
ވޯޓު ލާ ތާގާ ރީރަޖިސްޓުރީ ނެތުމަކީ، ވޯޓު އޮޅުވާލަން ކުރި ކަމެއް، ދެން ކޮން އިންސައްތައެއް ލިބޭނީ، މާކުރީން ރައީސް މީހާ ވިދާޅު ވެއްޖެ އިންތިޚާބު ކާމިޔާބު ކުރުމުގެ ފޯމިއުލާއެއް ރައީސް އަތުގާ އެބަ އޮތްކަމަށް، ކަނޑައެޅިގެން މާކުރީން ވަރަށް ސާފުބަހުން ބުނެފާ މި ކޮންމެ ފަހަރަކު ވެސް ވޯޓުން މި ވައްކަންކުރަނީ.