ހިޓާޗީގެ އާ އުފެއްދުންތަކެއް އެސްޓީއޯއިން ބާޒާރަށް ނެރެފި
ހިޓާޗީގެ އާ އުފެއްދުންތަކެއް ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) ރާއްޖޭގެ ބާޒާރަށް ނެރެފިއެވެ.
އެސްޓީއޯ ޕީޕަލްސް ޗޮއިސްގައި ހުކުރު ދުވަހުގެ ރޭ ބޭއްވި ރަސްމިއްޔާތެއްގައި މި އުފެއްދުންތައް ތައާރަފްކޮށްދެއްވީ އެސްޓީއޯގެ ޖެނެރަލް މެނޭޖަރ އަހުމަދު ޝިފާން އާއި ހިޓާޗީ ހޯމް އެޕްލައަންސްގެ ޑިރެކްޓަރ ސޭލްސް، ޓަރުން ޖައިންއެވެ.
ދިވެހިންގެ މެދުގައި މަގުބޫލު، އިތުބާރު ލިބިފައިވާ ހިޓާޗީގެ އުފެއްދުންތަކުގެ ތެރެއިން މި ފަހަރު އެސްޓީއޯއިން ތައާރަފްކުރި އުފެއްދުންތަކުގެ ތެރޭގައިވެސް، އާ ފީޗަރ ތަކާއެކު އުފައްދާފައިވާ ފްރިޖާއި، ދޮންނަ މެޝިނާއި، މައިކްރޯވޭވް އަވަން އަދި ޗެސްޓް ފްރީޒަރ ހިމެނެއެވެ.
މީގެ އިތުރުން ރޭ ތައާރަފްކުރި ހިޓާޗީގެ އުފެއްދުންތަކުގައި ފަހުގެ ޓެކްނޮލޮޖީ ހިމަނާފައިވުމުން މީގެ ކުރީގެ އުފެއްދުންތަކަށްވުރެ މިފަހަރުގެ އުފެއްދުންތައް ބޭނުންކުރަން ވަރަށްބޮޑުތަން ފަސޭހަވާނެކަމަށް އެސްޓީއޯއިން ވިދާޅުވިއެވެ.
