ހަށި ވިއްކުމުގެ ތުހުމަތުގައި ހަތަރު މީހަކު ހައްޔަރު ކޮށްފި

ހަށި ވިއްކުމުގެ ތުހުމަތުގައި މާލޭގެ ގެސްޓްހައުސްއެއް ބަލައި ފާސްކޮށް، ހަތަރު މީހަކު ހައްޔަރުކޮށްފިއެވެ.

Ads by Hajj Corporation

ފުލުހުން ވިދާޅުވީ، މާލޭގައި ރޭ ހިންގި އޮޕަރޭޝަނެއްގައި ހަށިވިއްކާ ކަމަށް ތުހުމަތު ކުރެވޭ މައްސަލައެއްގައި ރޯޅި ގެސްޓު ހައުސް ބަލައި ފާސްކޮށް ހަތަރު މީހުން ހައްޔަރުކޮށްފައިވާ ކަމަށެވެ.

މިގޮތުން އެ ގެސްޓްހައުސްއިން ފުލުހުން ހައްޔަރު ކުރީ 43 އަހަރުގެ ބިދޭސީ ފިރިހެނަކާ، ހަމަ އެ އުމުރުގެ ދިވެހި ފިރިހެނެކެވެ.

އަދި 31 އަހަރުގެ ބިދޭސީ އަންހެނަކާއި، 36 އަހަރުގެ ބިދޭސީ އަންހެނަކުވެސް ހައްޔަރު ކުރިއެވެ.

މި މީހުންގެ ތެރެއިން ދިވެހި ފިރިހެން މީހާއާ ބިދޭސީ އަންހެނަކު ހައްޔަރު ކުރީ، ޖިންސީ ގުޅުން ހިންގަމުން ދަނިކޮށެވެ.

ފުލުހުން ވިދާޅުވީ މިކަން ބަލަމުން އަންނަ ކަމަށެވެ.