ސައުދީގެ ޔުނިވަރސިޓީތަކުގައި ޔޯގާ ތައާރަފް ކުރަނީ
ސައުދީ އަރަބިއްޔާގެ ޔުނިވާސިޓީތަކުގައި ޔޯގާ ތައާރަފްކުރަން އެ ގައުމުގެ ސްޕޯޓްސް މިނިސްޓްރީން ނިންމައިފި އެވެ.
ސައުދީގެ ޔޯގާ ކޮމިޓީގެ ރައީސް ނޫފް އަލް މަރްވާއީ ވިދާޅުވީ ޔޯގާއަށް އެހީތެރިވެ ޕްރޮމޯޓް ކުރުމަށް ސައުދީ އަރަބިއްޔާގެ ބޮޑެތި ޔުނިވާސިޓީތަކާ އެކު ކޮންމެ އެއްބަސްވުންތަކެއްގައި ސޮއިކުރާނެ ކަމަށެެވެ.
މިކަން އިއުލާންކޮށްފައިވަނީ ދާދިފަހުން ވެރި ރަށް ރިޔާދުގައި ސައުދީ ޔުނިވާސިޓީސް ސްޕޯޓްސް ފެޑެރޭޝަނާއި އެޑިއުކޭޝަން މިނިސްޓްރީއާ ގުޅިގެން އިންތިޒާމްކުރި “ދަ ރޯލް އޮފް ޔުނިވަރސިޓީ ސްޕޯޓްސް އިން ސަޕޯޓިންގ ދަ ކިންގްޑަމްސް ވިޝަން އިން ސްޕޯޓްސް” ގެ ނަމުގައި ބޭއްވި ފޯރަމެއްގައެވެ.
އަލްމަރްވާއީ އިތުރަށް ވިދާޅުވީ ކޮމިޓީގެ އަމާޒަކީ ގައުމުގައި ޔޯގާގެ ހުނަރު ހޯދައި، އެމީހުންގެ ހުނަރު ތަރައްގީކުރުމުން ލޯކަލް އަދި އިންޓަނޭޝަނަލް މުބާރާތްތަކުގައި ގައުމު ތަމްސީލުކޮށް ވަނަތައް ހޯދާނެކަމުގެ އުންމީދުގައި ކަމަށެވެ.
