އެސްޓީއޯއިން ކާއްޓެއް ވިއްކުމަށް ނިންމާފައިވަނީ 6 ރުފިޔާއަށް

ކާށި ޝިޕްމެންޓެއް ގެނައުމަށް ނިންމީ ސަޕްލައި ނެތުމުން ކަމަށާއި، ކާއްޓެއް ވިއްކުމަށް ނިންމާފައިވަނީ 06 ރުފިޔާއަށް ކަމަށް އެސްޓީއޯއިން ބުނެފިއެވެ.

Ads by Hajj Corporation

އެސްޓީއޯއިން ބޭރު ޤައުމަކުން ކާށި ގެންނާތީ ފާޑުކިޔުން ވަނީ އަމާޒުވެފައެވެ. މިގޮތުން ބޭރުން ކަށި ނުގެނެސް، އަތޮޅުތެރޭގެ ރަށްރަށުގައި ރުށްގަސް އިންދާ އިތުރު ކުރުމަކީ ކުރިއަށް އޮތްތަނުގައި ވަރަށް މުހިންމު ކަމެއް ކަމަށް މީސްމީޑިއާގައި ޚިޔާލުފާޅު ކުރާ ފަރާތްތަކުން ބުނެއެވެ.

އެސްޓީއޯއިން ކާށި އިންޕޯޓް ކުރަން ނިންމާފައިވަނީ ބާޒާރުގައި ކާށީގެ ތާށިކަން އައިސް، އަގު ވަރަށް ބޮޑަށް އުފުލުމާ ގުޅިގެންނެވެ. މިހާރު ބާޒާރުގައި ކާއްޓެއްގެ އަގު އުޅެނީ 30 ރުފިޔާއަށެވެ.

އެސްޓީއޯގެ މީޑިއާ އޮފިޝަލް ވިދާޅުވީ ހޯމަ ދުވަހު ކާށީގެ ޝިޕްމެންޓް ލިބޭނެ ކަމަށެވެ.

މިވަގުތު ކާށީގެ ޝިޕްމެންޓެއް ގެނައުމަށް ނިންމީ ސަޕްލައި ނެތުމުން އަގު ކޮންޓްރޯލް ކުރުމުގެ ގޮތުން ކަމަށާއި، މިވަގުތު ކާއްޓެއް ވިއްކުމަށް އަދި ނިންމާފައިވަނީ 06 ރުފިޔާއަށް ކަމަށެވެ. އަދި ވިދާޅުވީ މަރކެޓަށް ކާށި ނެރުމަކީ އެސްޓީއޯއިން އަބަދު ކުރާނެ ކަމެއް ނޫން ކަމަށެވެ.

އަރަމަޟާން މަހާ ދިމާކޮށް، އެހެން އަހަރުތަކެކޭ އެއްފަދައިން މިއަހަރުވެސް އާންމުން ބޭނުންވާ އަސާސީ ބާވަތްތައް އެތެރެކުރުމަށް އިސްކަންދޭ ކަމަށް އެސްޓީއޯއިން ބުނެއެވެ. ރޯދަމަހާ ދިމާކޮށް ތަކެތީގެ އަގު އުފުލިގެންދާ މިންވަރު ދިރާސާކުރަމުން ގެންދިޔަ ކަމަށާއި، އަގުތައް އެއްވަރެއްގައި ހިފެހެއްޓުމަށް ގިނަ މަސައްކަތްކަތެއް ކުރުމަށް ރާވާފައިވާ ކަމަށް އެސްޓީއޯއިން ބުނެއެވެ.