މަޝްރަޙް އިތުރަށް ހޫނު: ޓައިވާންގެ ރައީސް އެމެރިކާއަށް
އެމެރިކާގެ ގާނޫނު ހަދާ މަޖިލީހުގެ ރައީސް ކެވިން މެކާތީއާ ބައްދަލުކޮށްފި ނަމަ ބަދަލު ހިފުމުގެ އިންޒާރު ޗައިނާއިން ދީފައި ވަނިކޮށް، ޓައިވާނުގެ ރައީސް ސައި އިންގް-ވެން އެމެރިކާއަށް ފުރާވަޑައިގަތުމުން، ބޭރުގެ ޕްރެޝަރުން އެ ގައުމުގެ ރައީސް ސައި އިންގް-ވެންއަށް އިތުރުވެއްޖެއެވެ.
ޑިމޮކްރެޓިކް އުސޫލުން ވެރިކަން ކުރާ ޓައިވާނަކީ އެގައުމުގެ އަމިއްލަ ސަރަހައްދެއް ކަމަށް ބުނާ ޗައިނާއިން ވަނީ ސައިއާ ބައްދަލު ނުކުރުމަށް އެމެރިކާގެ އޮފިޝަލުންނަށް ތަކުރާރުކޮށް އިންޒާރު ދީފައެވެ.
އޮގަސްޓް މަހު ޗައިނާއިން ޓައިވާންގެ ވަށައިގެން ބޮޑެތި ހަނގުރާމައިގެ ކުޅިވަރުތައް ކުރިއަށް ގެންދިޔައިރު، އޭރުގެ އެމެރިކާ. ހައުސްގެ ރައީސް ނެންސީ ޕެލޯސީ ވަނީ ޓައިޕޭއަށް ޒިޔާރަތް ކުރައްވާފައެވެ. ޓައިވާނުގެ އަސްކަރިއްޔާއިން ބުނަނީ ސައި ރާއްޖެއިން ބޭރުގައި ހުންނައިރު ޗައިނާގެ އެއްވެސް ހަރަކާތެއް ހިނގާތޯ ބަލަމުންދާ ކަމަށެވެ.
ސައި ދަތުރު ކުރަމުން ދަނީ ގުއަޓެމާލާ އާއި ބެލީޒް އަށް ކަމަށާއި ބުދަ ދުވަހު ނިއު ޔޯކާއި އެނބުރި އައުމުން ލޮސް އެންޖެލިސްގައި މަޑުކުރާ ކަމަށެވެ. މިކަން ރަސްމީކޮށް ކަށަވަރު ނުވި ނަމަވެސް ކެލިފޯނިއާގައި މެކާތީއާ ބައްދަލުކުރައްވާނެ ކަމަށް ބެލެވެ އެވެ.
"ބޭރުގެ ޕްރެޝަރުން ދުނިޔެއަށް ދިއުމުގެ އަޒުމަށް ހުރަހެއް ނާންނާނެ،" ޓައިވާނުގެ މައި އިންޓަނޭޝަނަލް އެއާޕޯޓުގައި ޓައޯޔުއާންގައި ހުންނަ ސައި ވިދާޅުވި އެވެ.
