ކައިޒީންއަށް ޕާސަނަލް ސެކިއުރިޓީއެއް ނުދެން: ފުލުހުން
މަޝްހޫރު މޮޑެލް ކައިޒީންގެ އުފަންދުވަސް ފާހަގަ ކުރުމަށް މާލޭގެ އުސްފަސްގަނޑުގައި ބޭއްވި ހަރަކާތުގައި އެއްވެސް ފަރާތަކަށް 'ޕާސަނަލް ސެކިއުރިޓީ' ފޯރުކޮށްދީފައި ނުވާކަމަށް ފުލުހުން ވިދާޅުވެއްޖެއެވެ.
ކައިޒީންގެ އުފަން ދުވަސް ފާހަގަ ކުރުމަށް، މި މަހުގެ 29 ވަނަ ދުވަހުގެ ރޭ، އުސްފަސްގަނޑުގައި ކޭކް ފަޅައި، ހަވާ އެރުވި މަންޒަރު ބަލަން ގިނަ ބަޔަކު އެއްވިއެވެ.
ހަވާ އަރުވާތަން ބަލަން ބައެއް މީހުން އެ ސަރަހައްދަށް އެއްވިއިރު، މީީ‘މީޑިއާގައި ދައުރުވަމުން ދާ ވީޑިއޯ އިން ކައިޒީން ކާރަށް އަރަން ދާއިރު، ޕާސަނަލް ސެކިއުރިޓީން އޭނާއަށް ރައްކާތެރިކަން ފޯރުކޮށްދޭ މަންޒަރު ފެނިގެން ދެއެވެ.
މި ކަމަަށް ވަރަށް ގިނަ ބައެއްގެ ފާޑުކިޔުން އަމާޒު ވެގެން ދިޔުމުން، ފުލުހުން ވިދާޅުވީ، މި މަހު 29 ވަނަ ދުވަހުގެ ރޭ އުސްފަސްގަނޑުގައި ހަވާއެރުވިއިރު، ފުލުހުން އެ ސަރަހައްދުގައި ހަރަކާތްތެރި ވެފައި ވާކަމަށެވެ.
ފުލުހުންގެ މީޑިއާ އޮފިޝަލު ވިދާޅުވީ، ފުލުހުން އެ ސަރަހައްދުގައި ހަރަކާތްތެރި ވެފައި ވަނީ ހަވާ އެރުވި މަންޒަރު ބެލުމަށް ގިނަ ބަޔަކު އެ ސަރަހައްދަށް ޖަމާވެފައި ވާތީ، އާންމު އުސޫލުން ރައްޔިތުންގެ ސަލާމަތްތެރިކަމާ ރައްކާތެރިކަން ކަށަވަރު ކުރުމަށް ކަމަށެވެ.
Ads by STO
