ހިޔާލު ތަފާތުވެފައިވާ ބޯޑަރު ސަރަހައްދުގެ ތަންތަނުގެ ނަން ޗައިނާއިން ބަދަލުކުރަން ނިންމި ނިންމުން އިންޑިއާއިން ޤަބޫލެއް ނުކުރޭ
އިންޑިއާގެ އިރުމަތީ ސްޓޭޓެއް ކަމަށްވާ އަރޫނާޗަލް ޕްރަދޭޝްގެ ގޮތުގައި އިންޑިއާއިން ދެކޭ ތަންތަނުގެ ނަން ޗައިނާއިން ބަދަލުކުރުމުން އިންޑިއާއިން ވަނީ އެކަން ދޮގުކޮށްފައެވެ.
ޗައިނާއާއި އިންޑިޔާއާ ދެމެދު 1962 ވަނަ އަހަރު 3،800 ކިލޯމީޓަރު (2،360 މޭލު) ގެ ބޯޑަރު ސަރަހައްދުގެ ބައެއް ސަރަހައްދުތަކުގައި ހަނގުރާމައެއް ކުރިއިރު، ފަހަކަށް އައިސް ފަރުބަދަމަތީ ސަރަހައްދުތަކުގައި ހިނގި ހަމަނުޖެހުންތަކުގެ ސަބަބުން ނިއުކްލިއާ ހަތިޔާރު ލިބިފައިވާ އަވަށްޓެރި ގައުމުތަކުގެ ގުޅުން ވަނީ ވަރަށް ބޮޑަށް ހީނަރުވެފަ އެވެ.
އެންމެ ފަހުން ރުޅިގަދަވި ބަހުގެ ހަމަލާތައް ބަދަލުކުރަން ފެށީ މިދިޔަ އާދީއްތަ ދުވަހު ޗައިނާގެ ސިވިލް މިނިސްޓްރީން ނެރުނު ބަޔާނެއްގައި ބުނެފައި ވަނީ ޗައިނާގެ ދެކުނު ޓިބެޓް ސަރަހައްދުގެ ގޮތުގައި ސިފަކުރާ ފަސް ފަރުބަދަ ހިމެނޭ ގޮތަށް 11 ތަނެއްގެ ނަން "ސްޓޭންޑަރައިޒް" ކޮށްފައިވާ ކަމަށެވެ.
އެ ބަޔާނުގައި ޗައިނާއިން ނަން ދީފައިވާ 11 ތަނަކީ "ޖަންގްނާން" ނުވަތަ ޗައިނާގެ ދެކުނު ޓިބެޓްގެ ތެރޭގައި ހިމެނޭ ތަނެއް ކަމަށް ފެންނަ މެޕެއް ހިމަނާފައިވާއިރު، އަރޫނާޗަލް ޕްރަދޭޝް ދެކުނު ޓިބެޓްގައި ހިމެނުމާއި، ޗައިނާއާއި އިންޑިއާއާ ދެމެދު އޮންނަ ބޯޑަރު ބްރަހްމަޕުތުރާ ކޯރުގެ އުތުރުގެ ގޮތުގައި ކަނޑައެޅިފައިވާ ކަމަށް ބުނެފައިވެއެވެ.
ނަމަވެސް އިންޑިއާއިން އެކަން ދޮގުކުރެއެވެ.
އިންޑިއާގެ ޚާރިޖީ ވުޒާރާގެ ތަރުޖަމާނު އަރިންދަމް ބަގްޗީ ކުރެއްވި ޓުވީޓެއްގައި ވިދާޅުވެފައިވަނީ އަރޫނާޗަލް ޕްރަދޭޝްއަކީ އިންޑިޔާގެ މުހިންމު އަދި އަބަދުވެސް ދެމިއޮންނާނެ ބައެއް ކަމަށެވެ.
