ފިތުރު ޒަކާތުގެ ގޮތުގައި 1.3 މިލިޔަން ރުފިޔާ

ފިތުރު ޒަކާތުގެ ގޮތުގައި ރޯދަ މަހުގެ ފުރަތަމަ 10 ދުވަހުގެ ތެރޭގައި 1.3 މިލިއަން ރުފިޔާ ލިބިފައިވާ ކަމަށް އިސްލާމިކް މިނިސްޓްރީން ބުނެފިއެވެ.

Ads by Sosun Fihaara

އިސްލާމިކް މިނިސްޓްރީން ބުނެފައިވަނީ މިއަހަރު ރޯދަ މަހުގެ ފުރަތަމަ 10 ދުވަހު ފިތުރު ޒަކާތުގެ ގޮތުގައި 1،310،160 ރުފިޔާ ލިބިފައިވާ ކަމަށެވެ.

މިދިޔަ އަހަރު މިމުއްދަތުގައި ފިތުރު ޒަކާތުގެ ގޮތުގައި 1،092،547 ރުފިޔާ ލިބުނުއިރު، 2021 ވަނަ އަހަރު މި މުއްދަތުގައި ލިބިފައިވަނީ 977،301 ރުފިޔާއެވެ. އަދި 2020 ވަނަ އަހަރުގެ ރޯދަ މަހުގެ ފުރަތަމަ 10 ދުވަހު ފިތުރު ޒަކާތުގެ ގޮތުގައި ލިބިފައިވަނީ 1،533،844 ރުފިޔާއެވެ.

ފިތުރު ޒަކާތް ބަލައިގަންނަން ފަށާފައިވަނީ މާޗް 23 ވަނަ ދުވަހުއެވެ. އަދި ރޯދަ މަހުގެ 27 ވަނަ ދުވަހުގެ ނިޔަލަށް ފިތުރު ޒަކާތް ބަލައިގަތުމަށް ވަނީ ހަމަޖެހިފައެވެ.