ވިސާ ނުލިބޭ ކަމަށް ބުނެ، ސަފާ ގްރޫޕުން އުމްރާ ދަތުރު ކެންސަލް ކޮށްފި
"އަލްސަފާ ހައްޖު އެންޑް އުމްރާ ގްރޫޕް"ގެ ހަވާލުގައި އުމްރާއަށް ފުރަން ތިބި މީހުންގެ ދަތުރު، ވިސާ ނުލިބޭ ކަމަށް ބުނެ، ކެންސަލްކޮށްފިއެވެ.
ފަހު ވަގުތު ދަތުރު ކެންސަލް ކުރުމުން، ގިނަ ބަޔަކު ދަނީ އެކަމުގެ ކަންބޮޑުވުން ފާޅުކުރަމުންނެވެ.
ސަފާ ގުރޫޕްގެ މި އަހަރުގެ އުމްރާ ކަަލަންޑަރުން ދައްކާ ގޮތުގައި، މިއަދު ފުރަން އޮތީ ރޯދަ މަހުގެ ފަހު 15 ދުވަހާއި ޝައްވާލު މަހުގެ ހަ ރޯދަ ހިމެނޭ ގޮތަށް ކުރާ އުމުރާ ދަތުރުގެ ބައިވެރިންނެވެ.
ސަފާ ގްރޫޕުން، ފަތިހުގެ ވަގުތެއްގައި ފޮނުވި މެސެޖެއްގައި ބުނެފައިވަނީ ސައޫދީން އުމްރާ ވިސާ ދޫކުރާ ކުންފުނިން އެ ގްރޫޕަށް އެއްވެސް ވިސާއެއް މި ވަގުތާ ހަމައަށް ވެސް ދޫކޮށްފައި ނުވާތީ ފުރެން ނެތް.ކަމަށެވެ.
"މިއަދުގެ މި ވަގުތާ ހަމައަށް އައި އިރު ވެސް ސައޫދީން އުމްރާ ވިސާ ދޫކުރާ ކުންފުނިން މި ގްރޫޕަށް އެއްވެސް ވިސާއެއް ދޫކޮށްފައި ނުވާތީ ފުރެން ނެތް ވާހަކަ ހިތާމައާ އެކު ދަންނަވަމެވެ." ސަފާގެ ވައިބަ ގްރޫޕްގައި ބުނެފައިވެއެވެ.
އުމުރާ ދަތުރު ކެންސަލް ވެފައިވާއިރު، އެ ޖަމާޢަތުގެ ޙަވާލުގައި ފުރަން ތިބި ފަރާތްތަކަށް "ރީފަންޑް" ލިބޭނެ ކަމުގެ ޔަޤީންކަމެއް ވެސް ނެތެވެ.
އެ ގްރޫޕުން ބުނާ ގޮތުގައި އުމުރާއަށް ދިއުމަށް ހޮޓަލާއި އެހެނިހެން ކަންކަމަށް ވަނީ ފައިސާ ދައްކައިފައެވެ.
އެހެންކަމުން ރީފަންޑް ލިބޭނީ އެ ގްރޫޕަށް އެ ފައިސާ ލިބުމުން ކަމަށް ބުނެއެވެ.
މިކަހަލަ ކަންތައްކުރާ ގުރޫޕް ތަކަށް ދީފައިވާ ހުއްދަ ވަގުތުން ވަގުތަށް ބާތިލްކޮށް، ޖަމާއަތުގެ އިސްވެރިންނަށް ހަރުކަށި ފިޔަވަޅު އަޅަން ސަރުކާރަށް ގޮވާލަން. މިއަހަރު ރޯދަމަހު އުމްރާއަށް ދާން ބޭނުންވި މީހުންނަށް ކިހާބޮޑު ލަނޑެއް ތި ދިނީ!!