ސަފާ ގްރޫޕުން އުމްރާ ދަތުރު ކެންސަލް ކުރި މައްސަލަ ބަލަން ފަށައިފި
ސަފާ އުމްރާ ގްރޫޕުން، އުމްރާ ދަތުރު ކެންސަލް ކުރި މައްސަލަ، އިސްލާމިކް މިނިސްޓްރީން ބަލަމުން އަންނަ ކަމަށް ވިދާޅުވެއްޖެއެވެ.
އެ މިނިސްޓްރީން ވިދާޅުވީ، އުމްރާއަށް ނުފުރިގެން، އެ ޖަމާޢަތުގެ ހަވާލުގައި ފުރަން އުޅުނު މީހުންގެ ޝަކުވާތައް ލިބެމުން އަންނާތީ، މައްސަލަ ބަލަމުން އަންނަ ކަމަށެވެ.
"ރޯދަމަހު އުމްރާއަށް ގެންދަން ސަފާ ގުރޫޕުގެ ފަރާތުން ހަމަޖެހިފައިވާ އުމުރާވެރިން، އުމްރާއަށް ގެންދިއުމުގައި މައްސަލަތަކެއް ދިމާވެ އުމުރާއަށް ނުފުރޭ ކަމުގެ ޝަކުވާ މިއަދު މިނިސްޓްރީއަށް ލިބުނު،" އިސްލާމިކް މިނިސްޓްރީގެ މެސެޖުގައިވެއެވެ.
ސަފާ ގްރޫޕުން އުމްރާ ދަތުރު ކެންސަލް ކުރީ، ވިސާ ނުލިބުނު ކަމަށް ބުނެއެވެ.
ފަހު ވަގުތު ދަތުރު ކެންސަލް ކުރުމުން، ގިނަ ބަޔަކު ދަނީ އެކަމުގެ ކަންބޮޑުވުން ފާޅުކުރަމުންނެވެ.
ސަފާ ގުރޫޕްގެ މި އަހަރުގެ އުމްރާ ކަަލަންޑަރުން ދައްކާ ގޮތުގައި، މިއަދު ފުރަން އޮތީ ރޯދަ މަހުގެ ފަހު 15 ދުވަހާއި ޝައްވާލު މަހުގެ ހަ ރޯދަ ހިމެނޭ ގޮތަށް ކުރާ އުމުރާ ދަތުރުގެ ބައިވެރިންނެވެ.
އެ ރޫޕުން، ފަތިހުގެ ވަގުތެއްގައި ފޮނުވި މެސެޖެއްގައި ބުނެފައިވަނީ ސައޫދީން އުމްރާ ވިސާ ދޫކުރާ ކުންފުނިން އެ ގްރޫޕަށް އެއްވެސް ވިސާއެއް މި ވަގުތާ ހަމައަށް ވެސް ދޫކޮށްފައި ނުވާތީ ފުރެން ނެތް ކަމަށެވެ.
ބަލާފައި ފިޔަވަޅުއަޅަންޖެހޭނެ. ކަނޑައެޅިގެން އެނގޭނެ މިރަޟަމާންމަހު ސައުދީ ސަރުކާރުންވަނީ ވިސާދިނުން ވަރަށްބޮޑަށް ލިމިޓްކޮށްފައިކަން.
ކިހާދެރަމައްސަލައެއް ކަންތައްތައްކުރެވޭބައެއްކަމައް ކޮންމެޅާޔަކު ދައްބަނޑާހިސާބައް ތުނބުޅިދިގުކޮއްގެން ފައިވަޅާހިސާބައްފަޓުލޫނުފައިކުރިކުރުކޮއްގެންމީދެންބަލާއެއްނު ހަމައަލްހާނު ބޮންޒީސްކީމެއްހެދީމަގޯސްވީ މިއާލާތުންވެސްލާރިގަނޑުކާލީ