ރޭގެ އެކްސިޑެންޓުގައި އަނިޔާވި މީހަކު ވެންޓިލޭޓަރުގައި

ސިނަމާލެ ބްރިޖުގެ ޓްރެފިކް ލައިޓަށް މަޑުނުކޮށް ދިޔަ ސައިކަލެއްގައި، އެހެން ސައިކަލަކުން ޖެހި ރޭ ހިނގި އެކްސިޑެންޓުގައި އަނިޔާވި އެކަކަށް އައިސީޔޫގައި ފަރުވާ ދޭން ފަށައިފި އެވެ.

Ads by STELCO

އައިޖީއެމްއެޗުން މިއަދު ބުނީ އެކްސިޑެންޓުގައި އަނިޔާވެގެން ރޭ 11:30 ހާއިރު ގެންދިޔަ އުމުރުން 43 އަހަރުގެ ފިރިހެނަކަށް ވެންޓިލޭޓަރުގައި ފަރުވާ ދޭ ކަމަށެވެ. ނަމަވެސް، އެ މީހާގެ ހާލަތާ ގުޅޭ އިތުރު ތަފްސީލެއް އަދި ނުލިބެ އެވެ.

ހުޅުމާލެ އިން މާލެ އަށް އަރާ ހިސާބުގައި ހުންނަ ޓްރެފިކް ލައިޓަށް މަޑުނުކޮށް ދިޔަ ސައިކަލެއްގައި އެހެން ސައިކަލަކުން ޖެހިގެން ހިނގި އެކްސިޑެންޓުގައި އުމުރުން 47 އަހަރާއި 31 އަހަރުގެ މީހަކަށް ވެސް އަނިޔާވި އެވެ. އެ މީހުން ގެންދިޔައީ ސެނަހިޔާ ހޮސްޕިޓަލަށެވެ. ލިބުނު އަނިޔާތަކުގެ މައުލޫމާތެއް ނުލިބެ އެވެ.