ހެލްތު މިނިސްޓްރީން ޤައުމީ ޔުނިވަރސިޓީއަށް ޕީސީއާރް މެޝިނަކާ އެކްްސްޓްރެކްޝަން މެޝިނެއް ހަދިޔާ ކޮށްފި
ހެލްތް މިނިސްޓްރީން ޤައުމީ ޔުނިވާސިޓީއަށް ކޮވިޑް-19 އަށް ޓެސްޓްކުރަން ބޭނުންކުރާ ޕީސީއާރް އަދި އެކްސްޓްރެކްޝަން މެޝިނެއް ހަދިޔާކޮށްފިއެވެ.
ހެލްތް މިނިސްޓްރީގެ ފަރާތުން މި ތަކެތި ހަވާލުކުރުމުގެ އެއްބަސްވުމުގައި ސޮއިކުރެއްވީ، ސްޓޭޓް މިނިސްޓަރު އަޙުމަދު އާދިލްއެވެ. އަދި މި ތަކެއްޗާ ޤައުމީ ޔުނިވަރސިޓީއިން ހަވާލުވެފައިވަނީ ޑީން, ފެކަލްޓީ އޮފް ހެލްތު ސައިންސަސް ޑރ.އައިޝަތު ސަނޫރާއެވެ.
މިކަމާ ގުޅޭގޮތުން މިނިސްޓްރީން ވިދާޅުވީ، ރާއްޖޭގެ ޞިއްޙީ ނިޒާމު އިތުރަށް ހަރުދަނާކޮށް މީހުން ބިނާ ކުރުމަށް ޤައުމީ ޔުނިވަރސިޓީން މުހިއްމު ދައުރެއް އަދާކުރާ ކަމަށެވެ.
އަދި މި މެޝިންތައް ހަދިޔާކުރީ ކޮވިޑް-19 ގެ ތަޖުރިބާ އަށް ބަލާ ލެބޯރެޓަރީ ޓެކްނޮލޮޖިސްޓުން އަދާ ކުރި މުހިއްމު ދައުރު ފާހަގަކޮށް އިތުރަށް މިދާއިރާ ހަރުދަނާކުރުމުގެ ގޮތުން ކަމަށް ވެސް ހެލްތު މިނިސްޓްރީން ވިދާޅުވިއެވެ.
މި ދުވަސްވަރަކީ ރާއްޖޭގައި އަނެއްކާވެސް ކޮވިޑަށް ޕޮޒިޓިވްވާ މީހުންގެ އަދަދު އިތުރުވަމުން އަންނަ ދުވަސްކޮޅެކެވެ.
Ads by STO
