ޗައިނާއިން ބުނަނީ ސަރަހައްދީ ހަމަނުޖެހުން ހިންގަނީ އެމެރިކާގެ ސަބަބުން ކަމަށް
ފިލިޕީންސުން ސަރަހައްދީ ނުތަނަވަސްކަމުގެ އަލިފާން ރޯކުރަމުން ދަނީ ޓައިވާނާ އެކު ޗައިނާގެ ކަންކަމަށް ނުފޫޒު ފޯރުވުން ކަމަށް ބެއިޖިން އިން މެނީލާއަށް ކަނޑައަޅުއްވާފައި ހުންނަވާ ސަފީރު ހުކުރު ދުވަހު ވިދާޅުވެއްޖެ އެވެ.
ފިލިޕީންސުން މި މަހުގެ ކުރީކޮޅު ވަނީ ފުޅާކޮށްފައިވާ އެންހޭންސްޑް ޑިފެންސް ކޯޕަރޭޝަން އެގްރީމެންޓް (އީޑީސީއޭ) ގެ ދަށުން ވޮޝިންޓަނަށް ބޭނުން ކުރެވޭނެ އިތުރު ހަތަރު މަރުކަޒެއް ފާހަގަކޮށްފަ އެވެ.
ހަގީގަތްތައް ބަހަށްވުރެ ބާރަށް ވާހަކަ ދައްކައެވެ. އެނގިވަޑައިގަންނަވާނެ، އެމެރިކާގެ ވިސްނުން ހުރީ، އާ އީޑީސީއޭ ސައިޓްތަކުގެ ބޭނުން ހިފައި، ޓައިވާން ކަނޑުއޮޅިން ހިނގަމުންދާ ހާލަތަށް ނުފޫޒު ފޯރުވައި، ފިލިޕީންސް އާއި މުޅި ސަރަހައްދުގެ ސުލްހަ އާއި ތަރައްގީގެ އަގުގައި ޗައިނާއާ ދެކޮޅު އެޖެންޑާ ކުރިއަށް ގެންދަން،" ޗައިނާ ސަފީރު ހުއާންގް ޒިލިއަން ފޯރަމެއްގައި ވިދާޅުވި އެވެ.
މެނީލާގައި ހުންނަ އެމެރިކާގެ އެމްބަސީން ބުނީ އީޑީސީއޭއަކީ "އެހެން ތިން ވަނަ ގައުމެއްގެ ވާހަކައެއް ނޫން" ކަމަށެވެ.
އީޑީސީއޭގެ ތަރުޖަމާނު ކަނިޝްކާ ގަންގޯޕަދްޔާ ފޯނުން ފޮނުއްވި މެސެޖެއްގައި ވިދާޅުވެފައިވަނީ އެމެރިކާ އާއި ފިލިޕީންސްގެ އަސްކަރިއްޔާގެ މެދުގައި ކޮމްބައިންޑް ޓްރެއިނިން އެކްސަސައިޒްތަކާއި އިންޓައޮޕަރަބިލިޓީއަށް އެހީތެރިކަން ފޯރުކޮށްދޭނެ ކަމަށެވެ.
ފިލިޕީންސްގެ ޚާރިޖީ ވުޒާރާގެ ބަހެއް އަދި ވަނީ ލިބޭ ގޮތް ނުވެފައެވެ.
2014 ވަނަ އަހަރު ސޮއިކުރި އީޑީސީއޭއިން ވަނީ ދެކުނު ޗައިނާ ކަނޑުގައި ޗައިނާގެ އަމަލުތަކާއި އަމިއްލަ ވެރިކަން ކުރާ ޓައިވާނުގެ މައްސަލާގައި ނުތަނަވަސްކަން އުފެދިފައިވާ ދަނޑިވަޅެއްގައި ފިލިޕީންސްގެ ކުރީގެ އިސްތިއުމާރީ ވެރިކަން ކުރާ އެމެރިކާއަށް ސްޓްރެޓެޖިކް މުހިންމުކަން ފާހަގަކޮށްފަ އެވެ.
އީޑީސީއޭ އިން ފިލިޕީންސްގެ ބޭސްތަކަށް ވަނުމުގެ ހުއްދަ ދެނީ ޖޮއިންޓް ޓްރެއިނިންއާއި އިކުއިޕްމަންޓްތައް ޕްރީ ޕޮޒިޝަން ކުރުމާއި ފެސިލިޓީތައް އިމާރާތް ކުރުމަށް ކަމަށާއި ނަމަވެސް އެއީ ދާއިމީ ގޮތެއްގައި އޮތް ތަނެއް ނޫން ކަމަށާއި ރައީސް ފާޑިނަންޑް މާކޯސް ޖޫނިއާ ވަނީ އެއްވެސް ހަރުކަށި ފިޔަވަޅެއްގައި ބޭސްތައް ބޭނުން ނުކުރާނެ ކަމުގެ ޔަގީންކަން ޗައިނާއަށް ދެއްވާފަ އެވެ.
