ދަޢުލަތަށް ގިނަ ދުވަހު ޚިދުމަތް ކުރެއްވި ބުޗާގެ ދޮންމަނިކު އަވަހާރަވެއްޖެ

ދިވެހި ދަޢުލަތަށް 43 އަހަރަށް ވުރެ ގިނަ ދުވަހު ހިދުމަތް ކުރެއްވި މ. އޯޝަން ރީޑު އާދަމް މޫސާ (ބުޗާގޭ ދޮންމަނިކު) އުމުރުފުޅުން 91 އަހަރުގައި އަވަހާރަވެއްޖެއެވެ.

Ads by Sosun Fihaara

އެމަނިކުފާނު އަވަހާރަވިކަން ހާމަކުރެއްވީ، ކުރީގެ ޔޫތު މިނިސްޓަރު އިރުތިޝާމް އާދަމްއެވެ.

ދޮން މަނިކު އަވަހާރަވީ އޮސްޓްރޯލިއާގެ ބްރިސްބެންގައި ރޭ ފަތިހުއެވެ. އާއިލާއާއެކު އޭނާ އެ ޤައުމުގައި ދިރިއުޅުއްވާތާ އަށް އަހަރު ވެއްޖެއެވެ.

ސަރުކާރުގެ ހިދުމަތާ 1951 ގައި ގުޅިވަޑައިގެންނެވި ދޮންމަނިކު އެންމެ އެންމެ ގިނަ ދުވަހު ހިދުމަތް ކުރެއްވީ ފިލްމު ސެންސަރު ބޯޑުގަ އެވެ.

މިގޮތުން އެމަނިކުފާނު އެ އޮފީހުގައި، 18 އަހަރު ޚިދުމަތް ކުރެއްވުމަށް ފަހު، ސަރުކާރުގެ ޚިދުމަތުން ވަކިވެވަޑައިގަތީ އޭޕްރީލް 13، 1998 ގައެވެ.