ޕާކިސްތާނުގެ އެއްވުމެއްގައި ދީނަށް ފުރައްސާރަކުރި ކަމަށް ބުނެ މީހަކު މަރާލައިފި
ޕާކިސްތާނުގެ ހުޅަނގު އުތުރުޕްރޮވިންސްގެ ޚައިބަރު ޕަޚްތޫންޚުވާގައި އިދިކޮޅު ޕާޓީން ބޭއްވި އެއްވުމެއްގައި އިސްލާމް ދީނަށް ފުރައްސާރަކޮށް ވާހަކަ ދެއްކި ކަމުގެ ތުހުމަތުގައި ޕާކިސްތާނުގެ މީހެއްގެ ގަޔަށް ބަޑިޖަހައި މަރާލާފައިވާ ކަމަށް އެ ގައުމުގެ ފުލުހުންގެ އޮފިޝަލަކު އަލްޖަޒީރާއަށް މައުލޫމާތު ދެއްވި އެވެ.
ކުރީގެ ބޮޑުވަޒީރު އިމްރާން ޚާންގެ ތަހްރީކޭ އިންސާފް (ޕީޓީއައި) ޕާޓީން މަރްދާން ޑިސްޓްރިކްޓްގެ ސަވަލްދެރް އަވަށުގައި ބޭއްވި އެއްވުމެއްގައި އެގައުމުގެ މުސްލިމް ދީނީ ލީޑަރެއް ކަމަށްވާ ނިގަރު އަލަމް ތަގުރީރު ކުރެއްވުމަށް އެދުނެވެ.
ނަން ނުޖެހުމަށް އެދި އެގައުމުގެ އޮފިޝަލަކު އަލްޖަޒީރާއަށް މައުލޫމާތު ދެއްވަމުން ވިދާޅުވީ އަލަމް މަރާލާފައިވަނީ "މީހުން ރުޅިއަރުވާ ފަދަ އިސްލާމް ދީނަށް ފުރައްސާރަކުރާ ވާހަކަތަކެއް ދެއްކުމުން" ކަމަށެވެ.
ފުލުހުން އެންމެ ފުރަތަމަ އަލަމް ސަލާމަތަށް ގެނައީ ކައިރީގައި ހުރި ފިހާރައެއްގައި ކަމަށާއި ނަމަވެސް މީހުން ދޮރު ފަޅާލައި ގަދަކަމުން އަލަމް ދަމައިގަނެ ބަޑިން މާރާމާރީ ހިންގާފައިވާ ކަމަށެވެ. އޭނާ މަރުވީ އެ ތަނުގަ އެވެ.
މާރާމާރީހިންގި ވީޑިއޯ ސޯޝަލް މީޑިއާގައި އާންމުވެފައިވާއިރު، ހަރުކަށި ފިކުރުގެ ބަޔަކު އެމީހާގެ ގައިގައި ތަޅައި އަނިޔާކުރުން ހުއްޓުވަން ފުލުހުން ބޭކާރު މަސައްކަތްތަކެއް ކުރަމުން އަންނަ ތަން ފެނެއެވެ.
އޮފިޝަލް ވިދާޅުވީ އަލަމްގެ ހަށިގަނޑު އިތުރަށް ކުރިއަށް ގެންދިއުމަށް ހޮސްޕިޓަލަށް ގެންގޮސްފައިވާ ކަމަށާއި އެ މައްސަލަ ތަހުގީގު ކުރަމުން އަންނަ ކަމަށެވެ.
އަޅުގަނޑުމެން ފަސްޓް އިންފޮމޭޝަން ރިޕޯޓެއް ހުށަހަޅާފައި މިވަނީ ފުލުހުން އަމިއްލައަށް މައްސަލަ ހުށަހަޅާ ފަރާތް، އެކަމަކު މައްސަލައިގެ ނާޒުކުކަމުން އެފްއައިއާރު ސީލް ކުރަނީ،" އޭނާ ވިދާޅުވި އެވެ.
މުސްލިމުންގެ އަޣުލަބިއްޔަތު އޮންނަ ޕާކިސްތާނުގައި އިސްލާމްދީނަށް ފުރައްސާރަކުރުމަކީ ވަރަށް ނާޒުކު މައްސަލައަކަށް ވާއިރު، ސާބިތު ނުކުރެވޭ ތުހުމަތުތަކުން ވެސް މީހުން ނާއި ހަމަނުޖެހުންތައް އުފެދިދާނެ އެވެ.
މިދިޔަ ފެބްރުއަރީ މަހު ޕާކިސްތާނުގެ އިރުމަތީ ސިޓީއެއް ކަމަށްވާ ލާހޯރުގެ ޕޮލިސް ސްޓޭޝަނަކަށް ރުޅިގަދަ ބަޔަކު ވަދެ އޭނާގެ ގޮޅިން ދީނަށް ފުރައްސާރަކުރި ކަމަށް ތުހުމަތު ކުރެވޭ މީހަކު ފޭރިގަނެ އޭނާ މަރާލި އެވެ.
ޕާކިސްތާނުގައި ފެކްޓްރީ މެނޭޖަރެއްގެ ގޮތުގައި މަސައްކަތް ކުރަމުން ދިޔަ ސްރީލަންކާގެ ރައްޔިތެއް ކަމަށްވާ ޕްރިޔަންތާ ދިޔާވަދަނާގެ އަށް އިސްލާމް ދީނަށް ފުރައްސާރަ ކުރި ކަމުގެ ތުހުމަތުގައި ރުޅިގަދަވެގެން ބަޔަކު ވަނީ 2021 ވަނަ އަހަރުގެ ޑިސެމްބަރު މަހުގެ ތެރޭގައި މާރާމާރީ ހިންގައި އަންދާލާފަ އެވެ.
