އަންހެނުންނާއި ކުޑަކުދިން ހިމެނޭ ގޮތަށް އިޒްރޭލުން ދިން ބޮމުގެ ހަމަލާތަކުގައި 10މީހަކު ޝަހީދުކޮށްލައިފި
ފަލަސްތީނުގެ އިސްލާމިކް ޖިހާދު ހަރަކާތުގެ މެމްބަރުންނަށް އަމާޒުކޮށް އިސްރާއީލުން ޣައްޒާއަށް ދިން ވައިގެ ހަމަލާތަކުގައި 10 މީހަކު ޝަހީދުވެއްޖެއެވެ.
ބޭރުގެ މީޑިއާތަކުން ރިޕޯޓްކުރާގޮތުގައި، މި ހަމަލާތަކުގައި 10 މީހުން ޝަހީދުވެފައިވާ ކަމަށް ހެލްތު މިނިސްޓްރީން އިއުލާނުކޮށްފައިވާ ކަމަށާއި، އިޒްރޭލުން ދިން ވައިގެ ހަމަލާތަކުގައި ކަށަވަރު ނުވާ އަދަދެއްގެ ބަޔަކު ޒަޚަމްވެފައިވާ ކަމަށެވެ.
ގާޒާގެ އެކި ސަރަހައްދުތަކުގައި އަންގާރަ ދުވަހުގެ ރޭ ދަންވަރު 2:00، މީހުން ދިރިއުޅޭ އެޕާޓްމަންޓްތަކަށް އަމާޒުކޮށް ވަނީ ބޮމުގެ ހަމަލާތައް ދީފަެވެ
މި ހަމަލާގައި، މަރުވި މީހުންގެ ނަމާއި ޒަހަމްވި މީހުންގެ އަދަދު ވެސް މާ ބޮޑަށް ސާފެއް ނުވެއެވެ.
"ޣައްޒާގެ އެކި ސަރަޙައްދުތަކުގައި މިހާރު ދެމުން ގެންދާ އެންމެ ފަހުގެ ވައިގެ ހަމަލާތަކުގައި 10، މަދުވެގެން 10 މީހުން މަރުވެފައިވާކަން އަޅުގަނޑުމެންނަށް ކަށަވަރުކުރެވެނީ،" އަލް ޖަޒީރާގެ ނޫސްވެރިޔާ އެލް ސައީދު ޣައްޒާގައި ހުރެ ރިޕޯޓްކޮށްފައިވެއެވެ
"މީހުން ދިރިއުޅޭ އެޕާޓްމަންޓްތަކަށް ޓާގެޓް ކުރާ ކޮންމެ ފަހަރަކު ވެސް އާންމުންގެ މަރުވޭ،"
ފަލަސްތީނު އިސްލާމިކް ޖިހާދު ހަރަކާތުން އަންގާރަ ދުވަހު ކުރި އިއުލާނެއްގައި ބުނެފައި ވަނީ ވައިގެ ހަމަލާތަކުގައި އެ ޖަމާއަތުގެ ތިން ލީޑަރުން ޝަހީދުވެފައިވާ ކަމަށެވެ. ޝަހީދުވެފައިވަނީ ޖިހާދު އަލް ގަންނަމް އާއި ޚަލީލް އަލް ބަހްތީނީ ގެ އިތުރުން ތާރިގު އިއްޒު އަލްދީން އެވެ.
އެ ތިން މީހުން ޝަހީދުކޮށްލާފައިވަނީ އެ މީހުންގެ އަނބިންނާއި ބައެއް ދަރިންނާ އެކު ކަމަށް އެ ޖަމާއަތުން ނެރުނު ބަޔާނެއްގައި ބުނެފައިވެއެވެ. ނަމަވެސް ތަފްސީލެއް ދީފައެއް ނުވެއެވެ.
ރޮއިޓާސް ނިއުސް އެޖެންސީން ރިޕޯޓްކޮށްފައިވާ ގޮތުގައި ހަމަލާދީފައިވަނީ ޣައްޒާ ސިޓީގެ އެޕާޓްމަންޓް އިމާރާތެއްގެ މަތީ ފަންގިފިލާއާއި ދެކުނުގެ ސިޓީއެއް ކަމަށްވާ ރަފާގެ ގެއަކަށެވެ
އިޒްރޭލުގެ އަސްކަރިއްޔާއިން ބުނީ "އޮޕަރޭޝަން ޝީލްޑް އެންޑް އެރޯ" ގެ ނަމުން ނަންދީފައިވާ ވައިގެ ހަމަލާތައް އަމާޒުކޮށްފައިވަނީ ފަލަސްތީނުގެ އިސްލާމިކް ޖިހާދުގެ ތިން މެމްބަރަކަށް ކަމަށާއި އެ މީހުންނަކީ ދާދި ފަހުން އިސްރާއީލާ ދިމާލަށް ފޮނުވާލި ރޮކެޓް ހަމަލާތަކުގެ ޒިންމާ އުފުލަން ޖެހޭ މީހުން ކަމަށެވެ.
ބަނޑުހައިހޫނުކަމުގެ ހަޅުތާލު ކުރަމުންދިޔަ ފަލަސްތީނުގެ އެކްޓިވިސްޓެއްކަމަށްވާ ޚާދަރު އަދުނާންގެ އިޒްރޭލުގެ ޖަލެއްގައި މަރުވުމާ ގުޅިގެން މިދިޔަ ހަފުތާގައި ޣައްޒާއިން ވަނީ އިޒްރޭލަށް ހަމަލާތަކެއް ދީފައެވެ.
ފަލަސްތީނު އިސްލާމިކް ޖިހާދާ ގުޅިފައިވާ އެކްޓިވިސްޓެއް ކަމަށްވާ އަދުނާން މަރުވީ ބަނޑުހައިހޫނުކަމުގެ ހަޅުތާލުގައި ގާތްގަނޑަކަށް ތިން މަސް ފަހުންނެވެ. ދައުވާއަކާ ނުލައި އަދުނާން ހައްޔަރުކުރުމާ ދެކޮޅަށް އިހުތިޖާޖު ކުރަމުން، އަދުނާން ވަނީ 87 ދުވަސް ވަންދެން ކެއުމަށް ދެކޮޅު ހަދާފައި ކަމަށް ފަލަސްތީނުގެ ޕްރިޒަނަރސް ސޮސައިޓީން ބުނެއެވެ.
Ads by STO
