ނަސްލީ ތަފާތު ކުރާ ޗައިނާގެ ވީޑިއޯއަކަށް ގިނަ ބައެއްގެ ފާޑު ކިޔުން
ބްރައުންފޭސްގައި ތިބި މީހުން އިންޑިއާގެ ލަވައެއް ކިޔާ މަންޒަރު ފެންނަ އޮންލައިން ވީޑިއޯ ޕޯސްޓެއް ޗައިނާ ސަރުކާރުގެ ވުޒާރާއަކުން ނައްތާލާފައިވާ ކަމަށް ބެލެވެ އެވެ.
މަގުމަތީގެ ސަލާމަތާއި ރައްކާތެރިކަން ކުރިއެރުވުމުގެ ގޮތުން މިނިސްޓްރީ އޮފް ޕަބްލިކް ސެކިއުރިޓީ (އެމްޕީއެސް)ގެ ދަށުން ހިންގާ ރަސްމީ އެކައުންޓަކުން މި ވީޑިއޯ ޝެއާކޮށްފައި ވަނީ މަޝްހޫރު އިންފްލުއެންސަރެއްގެ ފަރާތުންނެވެ.
އެ ޕޯސްޓަށް ގައުމުން ބޭރުގައި ގިނަ ބައެއްގެ ފާޑުކިޔުން ވަނީ އަމާޒުވެފަ އެވެ.
މިއީ ބްރައުންފޭސް އާއި އެފަދަ ކޮންސެޕްޓްތަކަކީ ގިނަ ބަޔަކަށް ނޭނގޭ ޗައިނާގައި ނަސްލީ ތަފާތުކުރުމުގެ އެހެން ހިޔާލުތަފާތުވުންތަކަކަށް ފަހު އެވެ.
ބްރައުންފޭސް - ބްލެކްފޭސް ފަދައިން - މީހުން މޫނު އަނދިރިކޮށް ކުލަޖައްސައި، ނަސްލީ ކެރިކޭޗަރެއްގެ ގޮތުގައި ދުނިޔޭގެ ގިނަ ގައުމުތަކުގައި ކުށްވެރިކުރެއެވެ.
މި ވީޑިއޯ އުފެއްދީ ޓިކްޓޮކްގެ އެ ގައުމުގެ ޑޮމެސްޓިކް ވާޝަން ކަމަށްވާ ޑޫއިންއަށް ބޮޑު ތަރުހީބެއް ލިބިފައިވާ އިންފްލުއެންސަރެއް ކަމަށްވާ ހާއޯ ގެ ގެ އެވެ. ކުރު ވީޑިއޯ ޕްލެޓްފޯމުން 1.2 މިލިއަނަށް ވުރެ ގިނަ ލައިކް ވަނީ ލިބިފަ އެވެ.
އޭގެ ތެރޭގައި ބްރައުންފޭސް އަޅައިގެން ތިބި ފިރިހެނުންގެ އިތުރުން ސައުތު ނުވަތަ ސެންޓްރަލް އޭޝިއާގެ ކޮސްޓިއުމްތައް ހެން ހީވާ ތަންތަނުގައި ގިނަ އަންހެނުންތަކެއް ހިމެނެ އެވެ.
ދެ ގްރޫޕަކަށް ބަހާލައިގެން އެ މީހުން ކިޔަނީ އިންޑިއާގެ ލަވަ "ޓޫނަކް ޓޫނަކް ޓޫންކް ޓޫން" އެވެ.
އެމްޕީއެސްގެ ދަށަށް އަންނަ ބިއުރޯ އޮފް ޕަބްލިކް އޯޑަރުން މިދިޔަ ހަފުތާގައި ޓްވިޓާ ފަދަ ޕްލެޓްފޯމެއް ކަމަށްވާ ވެއިބޯގައި 32 މިލިއަނަށް ވުރެ ގިނަ ފޮލޯވަރުންނާ އެކު އެ ވީޑިއޯ ހިއްސާކޮށްފައިވެ އެވެ.
"ފުލުހުންގެ ހަނދާން އާކޮށްދިނުން: ކާރެއްގެ ފަހަތުގައި އިންނައިރުވެސް ސީޓް ބެލްޓް ބަހައްޓަންވާނެ. ސައިކަލު ދުއްވާއިރު ހެލްމެޓް ނާޅާ މަގުމަތީގައި ނުޖެއްސުމަށް އަބަދުވެސް ހަނދާން ބަހައްޓާށެވެ!" ޕޯސްޓުގައި ވެ އެވެ.
އޭގެ ސަބަބުން ޗައިނާގެ ތެރޭގައި އެތައް ސަތޭކަ ހިއްސާއަކާއި މައިގަނޑު ގޮތެއްގައި ރަނގަޅު ކޮމެންޓްތަކެއް ލިބުނެވެ. "މިއީ އިފެކްޓިވް ލޯ ޕޮޕިއުލަރައިޒޭޝަން،" އެއް ކޮމެންޓެއްގައި ބުނެފައިވެ އެވެ.
