ހޮސްޕިޓަލުތައް އަންނަނީ އަންނަނީ، އަޅާފައި ދައްކާބަލަ: ޝުޖާޢު
ސަރުކާރުން ކުރިއަށް ގެންދަން ނިންމައިފައިވާ މަޝްރޫޢުތައް އަބަދުވެސް "އަންނަނީ އަންނަނީ" ކަމަށާއި، ރައްޔިތުން އެދެނީ މަޝްރޫޢުތައް ނިމެން ކަމަށް ޕީއެންސީގެ ނައިބު ރައީސް އިބްރާހީމް ޝުޖާޢު ވިދާޅުވެއްޖެއެވެ.
ކުވެއިތު ފަންޑުގެ އެހީގައި، ރާއްޖޭގެ ހަތް އަތޮޅެއްގެ، ހަތް ރަށުގައި 30 އެނދުގެ ހޮސްޕިޓަލު އަޅަން، މި ފެށޭ ހަފްތާގައި ހަވާލު ކުރެވޭނެ ކަމަށް ރައީސް އިބްރާހީމް މުޙައްމަދު ޞާލިޙު ވިދާޅުވުމާ ގުޅިގެން، ޝުޖާޢު ކުރެއްވި ޓްވީޓެއްގައި ވަނީ، ރައްޔިތުން، "އަންނަނީ އަންނަނީ" ބޭނުން ނުވާ ކަމަށް ވިދާޅުވެފައެވެ.
"ބަލަ އަންނަނީ އަންނަނީ އެއް އަހަރެން ރައްޔިތުން ބޭނުމެއް ނޫނޭ. އަޅާފަ ދައްކަބަލަ. ނުދެއްކޭނެ. އެވަރުގެ ފެންވަރެއް ސަރުކާރުގަ ނެތޭ." އޭނާ ވިދާޅުވިއެވެ.
ދުނިޔޭގެ ސިއްހަތު ދުވަހުގެ މުނާސަބަތުގައި ރޭ ބޭއްވި ޖަލްސާގައި ރައީސް ޞާލިޙު ވިދާޅުވީ، ހަތް އަތޮޅެއްގެ ހަތް ރަށެއްގައި ކުވައިތު ފަންޑުގެ އެހީގައި އެޅުމަށް މި ސަރުކާރުން ނިންމާފައިވާ ހަތް ހޮސްޕިޓަލްގެ ބިޑިން މަރުޙަލާ ނިމި، މަސައްކަތްކުރާނެ ބަޔަކު ހޮވި، ކުރިއަށް އޮތް ހަފްތާތެރޭގައި އެ މަސައްކަތްތައް ކުންފުނިތަކާ ހަވާލު ކުރެވޭނެ ކަމުގައެވެ.
ސަރުކާރުން ހަތް ހޮސްޕިޓަލް ތަރައްގީ ކުރުމަށް ހަމަޖައްސާފައިވާ ރަށްތަކަކީ، ހދ. ހަނިމާދޫ، ށ. މިލަންދޫ، ނ. ވެލިދޫ، ކ. ތުލުސްދޫ، އދ. މާމިގިލި، ވ. ފެލިދޫ އަދި ތ.ވިލުފުށީގައެވެ. މިއިން ކޮންމެ ހޮސްޕިޓަލެއްގައި 30 އެނދާއެކު އިތުރު ޚިދުމަތްތައް ލިބެން ހުންނާނެކަމަށްވެސް ސަރުކާރުން ހާމަ ކުރައްވައިފައިވެއެވެ.
ޔާމީނާއި މުއިއްޒަކީ އެއް ލޭގަސީއެއް ހިއްސާކުރާ ދެ އަނިޔާވެރިންނެވެ. ފައިސާ ހޯދާފައި ހުރީ އެއްގޮތަށެވެ. މީހުންނަށް އަނިޔާ ދިނުމުގައި އެމީހެއްގެ ވަރުން ތަފާތެއް ނެތެވެ. ގޮތް ދޫނުކުރުމުގައިވެސް ހަމަ އެއްގޮތެވެ. ކަލޭމެންގެ ނިމުންވެސް އަންނާނީ އެއްގޮތަށެވެ. އެހެނީ ތިޔަ ދެމީހުނަށްވެސް އެތަކެއް ބަޔެއްގެ ބަދު ދުއާގެ ޖަޒާ ދެދުނިޔޭގައިވެސް ލިބޭނެއެވެ. އިންޝާالله އާމީން