އެމެރިކާއާއެކު ޕެސިފިކް ޤައުމުތަކާއެކު އަސްކަރީ އެއްބަސްވުމަަކަށް
ޕެސިފިކް ޖަޒީރާ ގައުމުތަކުގެ މެދުގައި ޗައިނާގެ ވާދަވެރިކަން ނައްތާލުމަށް އެމެރިކާއިން ކުރަމުންދާ މަސައްކަތުގެ ތެރެއިން މުހިންމު ސްޓްރެޓެޖިކް އެއްބަސްވުމެއް އާކުރަން އެމެރިކާ އާއި ޕަލާއު މިއަދު އެއްބަސްވެއްޖެ އެވެ.
އެމެރިކާއިން މައިކްރޯނޭޝިއާއާ އެކު މިފަދަ އެއްބަސްވުމަކަށް އާދެވުމާ ގުޅިގެން ދެ ފަރާތުން ވަނީ ޕަލާއުގައި އާ ކޮމްޕެކްޓް އޮފް ފްރީ އެސޯސިއޭޝަން އެގްރީމެންޓެއް (ކޯފާ) ފަށައިފަ އެވެ.
"މިއީ ތާރީހީ ދުވަހެއް!!" ޕަލާއުގެ ރައީސް ސުރަންގެލް ވިޕްސް ޖޫނިއާގެ އޮފީހުން އެ އޮފީހުގެ ފޭސްބުކް ޕޭޖުގައި ލިޔެފައިވެ އެވެ. "الله ތަޢާލާ ޕަލާއުއަށް ބަރަކާތް ލައްވަވާ! މާތް الله އެމެރިކާއަށް ބަރަކާތް ލައްވަވާ! މާތް الله އަޅުގަނޑުމެން އެންމެންނަށް ބަރަކާތް ލައްވަވާ!"
އެމެރިކާގެ ރިޔާސީ މަންދޫބު ޖޯސެފް ޔޫން މިއަދު ބޭއްވި ރަސްމިއްޔާތެއްގައި ވިދާޅުވީ ޕަލާއުއާއެކު ހަދާފައިވާ އެއްބަސްވުމުގައި އަންނަ ހަފުތާގައި ރަސްމީކޮށް ޕަޕުއާ ނިއުގިނީގައި ސޮއިކުރާނެ ކަމަށެވެ. މި ހަފުތާގައި ރޮއިޓާސްއަށް ދެއްވި އިންޓަވިއުއެއްގައި އޭނާ ވިދާޅުވީ މައިކްރޯނޭޝިއާއާ އެކު އާ ކޯފާއެއްގައި ހޯމަ ދުވަހު ޕޯޓް މޮރެސްބީގައި ސޮއި ކުރާނެ ކަމަށެވެ.
އެ ރަސްމިއްޔާތުގައި ބައިޑަން ބައިވެރިވެވަޑައިގަތުމަށް ހަމަޖެހިފައި ވީ ނަމަވެސް އަންގާރަ ދުވަހު އޭނާ ވަނީ އެމެރިކާގެ ދަރަނީގެ ސީލިންގް ކްރައިސިސްއާ ގުޅިގެން ޕަޕުއާ ނިއުގިނީގައި ކުޑަ ވަގުތުކޮޅަކަށް މަޑުކުރަން ޖެހުނު ކަންކަން ހުއްޓާލާފަ އެވެ.
ތަޖުރިބާކާރުން ބުނަނީ ސްޓޮޕް ހުއްޓާލުމަކީ ޒަމާނުއްސުރެ ވޮޝިންޓަނުން އިހުމާލުވެފައިވާ ކަމުގެ އިހުސާސް ކުރަމުން އަންނަ ޕެސިފިކް އައިލެންޑް ސަރަހައްދުގައި އެމެރިކާގެ އިތުބާރު ގެއްލުވާލުމެއް ކަމަށެވެ.
ބުރާސްފަތި ދުވަހުން ފެށިގެން އާދީއްތަ ދުވަހާ ހަމައަށް މާޝަލް އައިލެންޑްސްގައި ހުންނާނެ ކަމަށް އުންމީދު ކުރައްވާ ކަމަށާއި ނަމަވެސް މިވަގުތު ކޯފާ އެއްބަސްވުން ފައިނަލް ކުރެވިދާނެ ކަމާ މެދު ޝައްކު އުފެދޭ ކަމަށް ޔޫން ރޮއިޓާސް އަށް ވިދާޅުވި އެވެ.
ވޮޝިންޓަނުން އެންމެ ފުރަތަމަ ކޯފާގެ އެއްބަސްވުންތަކާ ހަމައަށް އާދެވުނީ 1980 ގެ އަހަރުތަކުގައި އެ ތިން ޖަޒީރާ ގައުމަކާއެކު ކަމަށާއި އެ އެއްބަސްވުމުގެ ދަށުން އެ ގައުމުތަކުގެ ދިފާއުގެ ޒިންމާ ހިފަހައްޓައި އިގްތިސާދީ އެހީތެރިކަން ފޯރުކޮށްދޭ ކަމަށާއި އޭގެ ބަދަލުގައި ޕެސިފިކް ސަރަހައްދުގެ ބޮޑެތި ސްޓްރެޓެޖިކް ސަރަހައްދުތަކަށް ހާއްސަ އެކްސެސް އެއް ލިބޭ ކަމަށެވެ.
އެތަންތަން އާކުރުމަކީ ޕެސިފިކް ސަރަހައްދުގައި ޗައިނާގެ ނުފޫޒު ފުޅާކުރުމަށް ކުރާ މަސައްކަތާ ދެކޮޅަށް އެމެރިކާއިން ކުރާ މަސައްކަތަށް ފަހަތަށް ޖެއްސުމަށް އެމެރިކާއިން ކުރަމުންދާ މަސައްކަތުގެ މައިގަނޑު ބައެކެވެ. ޗައިނާގެ ޑިޕްލޮމެޓުން އެ ސަރަހައްދަށް ކޯޓް ކުރަމުން އަންނައިރު ޗައިނާގެ ކޮންސްޓްރަކްޝަން އަދި މައިނިން ކުންފުނިތަކުން ވަނީ ޖަޒީރާ ގިނަ ގައުމުތަކުގައި ވިޔަފާރި ފުޅާކޮށްފަ އެވެ.
