ރައީީސް ނަޝީދު އެއްފަރާތް ނުކުރަން ތަކުރާރުކޮށް ދެންނެވިން: ޝިފާޒު
އެމްޑީޕީގެ ރައީސް މުޙައްމަދު ނަޝީދު، އެ ޕާޓީގެ ލީޑަރޝިޕުން އެއްފަރާތް ނުކުރުމަށް، ތަކުރާރުކޮށް ދަންނަވައިފައިވާނެ ކަމަށް އެ ޕާޓީގެ ކުރީގެ ނައިބު ރައީީސް މުޙައްމަދު ޝިފާޒް ވިދާޅުވެއްޖެއެވެ.
އޭނާ މިހެން ވިދާޅުވީ، ރައްޔިތުންގެ މަޖިލީހުގެ "ފިކުރެއްގެ ދިރުން" ފެކްޝަނުގެ 13 މެމްބަރުން، އެމްޑީޕީން ވަކިވެ، މުޅިން އައު ސިޔާސީ ޕާޓީއެއް އުފައްދަން އުޅޭކަން ހާމަކުރުމަށް، އެ ފެކްޝަނުން ބޭއްވި ނޫސްވެރިންގެ ބައްދަލުވުމުގައެވެ.
ޝިފާޒު ވިދާޅުވީ، އެމްޑީޕީއަށް 2018 ވަނަ އަހަރު ވެރިކަން ލިބުނު ފަހުން، ފެންނާން ފެށީ އުއްމީދުކޮށްގެން ހުރި ފަދަ މަންޒަރުތަކެއް ނޫން ކަމަށާއި، އެ ޕާޓީން އަބަދުވެސް ޤަބޫލުކުރަމުން ދިޔަ އަސާސްތައް ނެތެމުން ދިޔަތަން ފެނުނު ކަމަށެވެ.
އަދި ރައީީސް ނަޝީދު އެއްފަރާާތް ނުކުރުމަށާއި، އެކަމުން ގެއްލުން ލިބޭނީ އެމަނިކުފާނަށް ނޫން ކަމަށް ވެސް ދަންނަވަމުން ދިޔަ ކަމަށް ޝިފާޒް ވިދާޅުވިއެވެ. އޭނާ ވިދާޅުވި ގޮތުގައި، ރައީީސް ނަޝީދު އެއްފަރާާތް ކުރުމުން ގެއްލުން ލިބޭނީ އެމްޑީޕީއަށެވެ.
"އަޅުގަނޑުމެންގެ ރައީީސް، ޕާޓީގެ ރައީސް، އެއްފަރާާތް ކުރުމުގެ ސިލްސިލާއަށް އިތުރުވި އެއް ބޮޅަކީ، މަރުގެ ތުންފަތްމައްޗަށް، ރައީސް ނަޝީދު، ހަޤީޤަތުގައި ގެންދިޔުން."
ރައީީސް ނަޝީދަށް 2021 ވަނަ އަހަރުގެ މެއި މަހުގެ 06 ވަނަ ދުވަހު ދިން ހަމަލާއަށް ފަހުގައިވެސް، ރައީސް އިބްރާހީމް މުޙައްމަދު ޞާލިޙުގެ ފެކްޝަނާއި އެކުގައި މަސައްކަތް ކުރެވޭތޯ ބަލާފައިވާނެ ކަމަށާއި، ނަމަވެސް ރައީސް ނަޝީދަށް ވެސް އިންސާފެއް ނުލިބުނު ކަމަށް ޝިފާޒް ވިދާޅުވިއެވެ.
"އެއަށް( ރައީސް ނަޝީދަށް ހަމަލާއަށް) ރަނގަޅު ތަޙުޤީޤެއް ހިންގާތަން، އެމްޑީޕީގެ މެމްބަރުންނަކަށް ނުފެނުނު."
ޝިފާޒް އިތުރަށް ވިދާޅުވީ، ކުރީ ސަރުކާރުން ހުރިހައި ބާރެއް ބޭނުންކޮށްގެން އެކި މުއައްސަސާތައް މުށުތެރެއަށްލައި، ހަލާކު ކުރަމުން ދިޔައިރު، އެމްޑީީޕީ އޮތީ ސަލާމަތުން ކަމަށާއި، އެ ޕާޓީ ހަލާކު ކުރީ، ރައީސް ޞާލިޙުގެ ފެކްޝަނުން ކަމަށެވެ.
ނަމަވެސް "ފިކުރެއްގެ ދިރުން" ޕާޓީއާއެކު، އެމްޑީޕީގެ އަސާސްތައް އަލުން ނެގެހެއްޓޭނެކަމުގެ އުއްމީދު އެބައޮތް ކަމަށް އޭނާ ވިދާޅުވިއެވެ.
ނަޟީދުއެއްފަރާތްނުކުރުމަކީނަޟީދަށްވެރިކަންހަވާލުކުރުންއެކަމަކުއެގޮތަށްއެކަމެއްނުކުރެވޭނެ
މީދެން ކާކުތަ ސިޔާސީ އެއްވެސް އުރައްޕެއް ހުރި މީހެއްނޫން