ރައީީސް ޞާލިހަށް ދެވަނަ ދައުރެއް ލިބެން، ގިނަ ރައްޔިތުން ނޭދޭ: ޝިޔާން
ރައީސް އިބްރާހީމް މުޙައްމަދު ޞާލިޙަށް، ދެން ރާއްޖޭގެ ވެރިކަން ދިނުމަށް، ގިނަ ރައްޔިތުން ނޭދޭ ކަމަށް ރައްޔިތުންގެ މަޖިލީހުގެ ތޮއްޑޫ ދާއިރާގެ މެމްބަރު ހަސަން ޝިޔާން ވިދާޅުވެއްޖެއެވެ.
ޝިޔާން އަކީ ރައީސް މުޙައްމަދު ނަޝީދުގެ "ފިކުރެއްގެ ދިރުން" ފެކްޝަނަށް ނިސްބަތްވެވަޑައިގަންނަވާ މެމްބަރެކެވެ. އެމްޑީޕީ ދޫކުރައްވައި، ސަރުކާރާ އިދިކޮޅަށް، ރަސްމީކޮށް އަރާވަޑައިގެންނެވި 12 މަޖިލިސް މެމްބަރުންގެ ތެރޭގައި، އޭނާ ހިމެނިވަޑައިގަންނަވައެވެ.
އޭނާ ރައީސް ޞާލިޙަށް ފާޑުވިދާޅުވެ، އެމަނިކުފާނަށް ވެރިކަމުގެ ދެވަނަ ދައުރެއް ދޭން ރައްޔިތުން ނޭދޭ ކަމަށް ވިދާޅުވިއެވެ.
"މަދު ބަޔަކު ކިތަންމެ ވަރަކަށް އެދުނަސް، ހިންނަވަރު އިބޫ ޞާލިޙުއަށް، ދެން މި ރާއްޖޭގެ ވެރިކަން، ނޮވެމްބަރު 11ގެ ފަހުން ދޭކަށް، ރާއްޖޭގެ ގިނަ ރައްޔިތުން ނޭދޭ، ސޮރީ ސަރ." އޭނާގެ ޓްވީޓުގައިވެއެވެ.
"ފިކުރެއްގެ ދިރުން" ފެކްޝަނުން ސިޔާސީ ޕާޓީއެއް އުފެއްދުމުގެ މަސައްކަތް ފަށައިފައިވާއިރު، އަލަށް ވުޖޫދަށް ގެންނަން އުޅޭ، އެ ޕާޓީއާ ގުޅުމަށްޓަކައި، އެމްޑީޕީގައި ތިބި، ރައީސް ނަޝީދުގެ ސަޕޯޓަރުން ދަނީ، އެ ޕާޓީއާ ވަކިވަމުންނެވެ.
ތިބުނާ ގިނަ ރައްޔިތުންނަކީ ކަލެޔާ ކަލޭގެ ޢާއިލާދޯ؟
ގިނަމީހުން ބޭނުންވެގެން 2008 ގައި ވެރިކަން ދިން ބޭފުޅާއަށް ވީގޮތް؟
ތިކަމެއް ނޭގުނު ދޯ
ލާދީނީ ފިކުރަށް ރަށްޔިތުން ތާއީދު ނެތް