ހަނގުރާމައަކީ ޗޮއިސްއެއް ނޫން: ސައި
ޓައިވާނުގެ ރައީސް ސައި އިންގް-ވެން ހޮނިހިރު ދުވަހު ވަނީ ޑިމޮކްރެޓިކް އުސޫލުން ވެރިކަން ކުރާ ޓައިވާނުގައި އަސްކަރީ ޕްރެޝަރު ބޮޑުވެފައިވާ ޗައިނާއާ އެކު އުފެދިފައިވާ ނުތަނަވަސްކަމުގެ ތެރޭގައި ޓައިވާން ކަނޑުއޮޅިން ސުލްހަ މަސަލަސްކަމާއި ހަމަޖެހުން ދެމެހެއްޓުމަށް ވައުދުވެވަޑައިގެންފަ އެވެ.
ޓައިވާނުން ޗައިނާގެ ޕްރެޝަރަށް ބޯނުލަނބާނެ ކަމަށާއި، ޗައިނާގެ ވެރިކަމަށް ހަތް އަހަރު ފުރުމުގެ މުނާސަބަތުގައި ޓައިޕޭގައި ހުންނަ ރިޔާސީ އޮފީހުގައި ދެއްވި ތަގުރީރުގައި ސައި ވިދާޅުވި އެވެ.
ޓައިވާނަކީ އެގައުމުގެ އަމިއްލަ ބައެއްގެ ގޮތުގައި ދެކޭ އަދި ބޭނުންވެއްޖެ ނަމަ އެ ރަށް އެ ގައުމުގެ ބާރުގެ ދަށަށް ގެންނާނެ ކަމުގެ އިންޒާރު ދޭ ޗައިނާއިން ވަނީ 2016 ވަނަ އަހަރު ސައި ވެރިކަމާ ހަވާލުވި ފަހުން އެ ރަށަށް ޗައިނާގެ ސިޔާދަތު ބަލައިގަންނަން މަޖުބޫރު ކުރުމަށް އަސްކަރީ އަދި ޑިޕްލޮމެޓިކް ޕްރެޝަރު ތައް ވަރުގަދަކޮށްފަ އެވެ.
ބެއިޖިންއިން ވަނީ އެކަމަނާއަކީ ވަކިވެވަޑައިގަންނަވާ ބޭފުޅެއް ކަމަށް ބުނެ ސައިގެ ފަރާތުން މަޝްވަރާކުރުމަށް ގޮވާލި ގޮވާލުންތައް ދޮގުކޮށްފައެވެ. ޓައިވާނުގެ މިނިވަންކަމާއި ޑިމޮކްރަސީ ދިފާއު ކުރައްވާނެ ކަމަށް ސައި ގެންދަވަނީ ތަކުރާރުކޮށް ވައުދުވެވަޑައިގެންފަ އެވެ.
ހަނގުރާމައަކީ އޮޕްޝަނެއް ނޫނެވެ. ސުލްހަވެރި ނޫން ވަސީލަތްތަކަކުން އެއްވެސް ފަރާތަކަށް އެއްފަރާތަކުން ހާލަތު ބަދަލު ނުކުރެވޭނެ،" ސައި ވިދާޅުވި އެވެ. ސުލްހަ އާއި ހަމަޖެހުމުގެ ހާލަތު ދެމެހެއްޓުމަކީ ދުނިޔެއާއި ޓައިވާނަށް ވެސް އިއްތިފާގެވެ.
"ޓައިވާނުގެ ވަށައިގެން ނުރައްކާތައް ހުރި ނަމަވެސް، އެއީ އެއްވެސް ހާލެއްގައި ރިސްކު އުފައްދާ ގައުމެއް ނޫން. އަޅުގަނޑުމެންނަކީ ޒިންމާދާރު ރިސްކް މެނޭޖަރެއް، ޓައިވާނުން ދުނިޔޭގެ ޑިމޮކްރެޓިކް ގައުމުތަކާއި މުޖުތަމައުތަކާ ގުޅިގެން ނުރައްކާތައް ނައްތާލުމަށް މަސައްކަތް ކުރާނެ،" އެކަމަނާ ވިދާޅުވި އެވެ.
ޖަޕާނުގެ ބޮޑުވަޒީރު ފުމިއޯ ކިޝިދާ ވިދާޅުވީ ގްރޫޕް އޮފް ސެވަން (ޖީ7) ގެ މުއްސަނދި ގައުމުތަކުގެ ލީޑަރުން އެއްބަސްވެވަޑައިގަތީ ޓައިވާނުގެ މައްސަލަތަކަށް ސުލްހަވެރި ހައްލެއް ހޯދުމަށް ކަމަށެވެ.
ސައި ވިދާޅުވީ ޓައިވާންގެ އޮފިޝަލުން އެމެރިކާގެ ރައީސް ޖޯ ބައިޑަންގެ ސަރުކާރާ އެކު 500 މިލިއަން ޑޮލަރުގެ ހަތިޔާރުގެ އެހީ ޓައިވާނަށް ފޮނުވުމާ ގުޅޭ ގޮތުން މަޝްވަރާ ކުރަމުން އަންނަ ކަމަށާއި މި އެހީއަކީ ކޮވިޑް-19 އާ ގުޅިގެން ލަސްވެފައިވާ ހަތިޔާރު ޑެލިވަރީ ކުރުމަށް ދިން އެހީއެއް ކަމަށެވެ.
އެކަމަނާ ވަނީ ދުނިޔޭގެ އެންމެ ޒަމާނީ ސެމިކޮންޑަކްޓަރ ޗިޕްތައް އުފައްދާ ޓައިވާނުގެ ސަޕްލައި ޗެއިންގެ މުހިންމުކަން ފާހަގަކުރައްވައި، އެންމެ ޒަމާނީ ޗިޕް ޓެކްނޮލޮޖީއާއި ރިސާޗް އެންޑް ޑިވެލޮޕްމަންޓް ސެންޓަރުތައް ޓައިވާނުގައި ބަހައްޓާނެ ކަމަށް ވިދާޅުވެފައެވެ.
