ރައީީސް އަޒުލު ކުރަން، އަޅުގަނޑު ސޮއި ކުރިން: ނާޒިމް

ރައީސް އިބްރާހީމް މުޙައްމަދު ޞާލިޙު، މަޤާމުން އަޒުލު ކުރުމަށް އޭނާ ސޮއި ކުރައްވައިފައިވާނެ ކަމަށް މޯލްޑިވްސް ނެޝަނަލް ޕާޓީ(އެމްއެންޕީ)ގެ ރައީސް މުޙައްމަދު ނާޒިމް ވިދާޅުވެއްޖެއެވެ.

Ads by Sosun Fihaara

އެމްއެންޕީގެ ރިޔާސީ ކެންޑިޑޭޓް، އަދި މަޖިލީހުގެ ދަނގެތީ ދާއިރާގެ މެމްބަރު ނާޒިމް މިހެން ވިދާޅުވީ، ރޭ އެމްއެންޕީއިން 'ނާޒިމް ބުނީ ކީކޭ؟' ގެ ނަމުގައި ކުރިއަށް ގެންދިޔަ ކްލަބްހައުސް ލައިވް އިވެންޓުގެ ހަތަރުވަނަ އެޕިސޯޑުގައެވެ.

ނާޒިމް ވިދާޅުވީ ޗާގޯސް މައްސަލާގައި  ރާއްޖޭގެ ކަނޑުން ބައެއް ދޫކޮށްލުމަކީ ރައީސްއަށް ލިބިފައި ނުވާ ބާރެއްކަމަށެވެ.

އަދި އެފަދަ ކަންކަން ނިންމުމުގެ ބާރު އޮތީ މަޖިލީހުގައިކަމަށްވެސް ވިދާޅުވެފައިވެއެވެ. މިސަބަބާއިހުރެ ރައީސުލް ޖުމްހޫރިއްޔާ އަޒުލުކުރުމަށް ސޮއިކުރެއްވިކަމަށް ހާމަކޮށްފައިވެއެވެ.

މިއީ އެމްއެންޕީއިން ސިލްސިލާކޮށް ކުރިއަށްގެންދާ ޕްރޮގްރާމެކެވެ. ރޭގެ ޕްރޮގްރާމްގައިވެސް އާންމު ފަރާތްތަކުން ވަރަށް ގިނަ ސުވާލުތަކެއް ކޮށްފައިވެއެވެ.