ދުނިޔޭގެ އެންމެ ބޮޑު ސެކިއުރިޓީ ޗެލެންޖަކީ ޗައިނާާ: ސުނަކް
ސަލާމަތާއި ތަނަވަސްކަމަށް ދުނިޔޭގެ އެންމެ ބޮޑު ގޮންޖެހުން ތަމްސީލުކުރަނީ ޗައިނާ ކަމަށާއި ނަމަވެސް އެހެން ބޮޑެތި އިގްތިސާދުތަކުން ވެސް އެކަމުން މުޅިން ވަކިވާން މަސައްކަތް ކޮށްގެން ނުވާނެ ކަމަށް ގްރޫޕް އޮފް ސެވަން (ޖީ7) ގެ ގައުމުތަކުގެ ސަމިޓަށް ފަހު އިނގިރޭސި ބޮޑުވަޒީރު ރިޝީ ސުނަކް އާދީއްތަ ދުވަހު ވިދާޅުވެއްޖެ އެވެ.
"ދުނިޔޭގެ ސަލާމަތާއި ތަނަވަސްކަމަށް އަޅުގަނޑުމެންގެ ޒަމާނުގެ އެންމެ ބޮޑު ގޮންޖެހުމަކީ ޗައިނާ. އެމީހުންނަކީ އަމިއްލަ ގައުމުގައި ބާރުގަދަ އަދި ރާއްޖެއިން ބޭރުގައި ހަރުކަށި ފިކުރުގެ މީހުން،" ޖަޕާނުގެ ސިޓީއެއް ކަމަށްވާ ހިރޯޝީމާގައި ބޭއްވި ޖީ-7 ސަމިޓަށް ފަހު ނޫސްވެރިންނާ ވާހަކަ ދައްކަވަމުން ސުނަކް ވިދާޅުވި އެވެ.
ސުނާކް ވިދާޅުވީ ޗައިނާއަށް ކުރިމަތިވެފައިވާ ގޮންޖެހުންތައް ކުޑަކުރުމަށް އިނގިރޭސިވިލާތާއި ޖީ7ގެ އެހެން ގައުމުތަކުން ވެސް ގެންގުޅޭނީ އެއް ވިސްނުމެއް ކަމަށެވެ.
"މިއީ ޑީ-ރިސްކިން - ޑީ ކަޕްލިން އެއް ނޫން،" އޭނާ ވިދާޅުވި އެވެ. "ޖީ-7 އާ އެކު ޗައިނާއިން އިގްތިސާދީ ބާރުގެ ބޭނުންކޮށްގެން އެހެން މީހުންގެ ސިޔާދަތީ ކަންކަމަށް ނުފޫޒު ފޯރުވިޔަ ނުދިނުމަށް ފިޔަވަޅުތައް އަޅަމުން މިދަނީ،" އޭނާ ވިދާޅުވި އެވެ.
މިދިޔަ ހަފުތާގައި ސުނާކް ބޮޑުވަޒީރުކަމުގެ ކުރިން ހުންނެވި ލިޒް ޓްރަސް ވެގެން ދިޔައީ 1990 ގެ އަހަރުތަކުގައި މާގްރެޓް ތެޗާ އަށް ފަހު ޓައިވާނަށް ވަޑައިގެންނެވި އިނގިރޭސި ވިލާތުގެ އެންމެ މަޝްހޫރު ސިޔާސީ ބޭފުޅާއަށެވެ.
ޗައިނާގެ އަމިއްލަ ވަންތަކަމުގެ ގޮތުގައި ބެއިޖިން އިން ބުނާ އަމިއްލަ ވެރިކަމެއް އޮންނަ މި ރަށާ މެދު ޗައިނާ އިން ހަރުކަށި ފިކުރު ގެނައުމާ އެކު ނުތަނަވަސްކަން ވަނީ އިތުރުވެފަ އެވެ. ޓައިވާން އެގައުމުގެ ބާރުގެ ދަށަށް ގެނައުމަށް ބާރުގެ ބޭނުން ކުރުން ޗައިނާއިން ދުވަހަކުވެސް ދޫކޮށްލާފައެއް ނުވެއެވެ.
ޓްރަސް ތަމްސީލު ކުރައްވަނީ ސުނަކްގެ ކޮންޒަވޭޓިވް ޕާޓީގެ ހަރުކަށި ގޮފިއެއް ކަމަށާއި، ޗައިނާއާ މެދު އޭނާ ގެންގުޅުއްވާ ވިސްނުމާ ދެކޮޅު ކަމަށާއި، އޭގެ ތެރޭގައި ގައުމީ ސަލާމަތަށް ހުރި ނުރައްކާތައް ލިމިޓް ކުރުމަށް މަސައްކަތް ކުރާއިރު ވިޔަފާރި އާއި މޫސުމަށް އަންނަ ބަދަލުތައް ފަދަ ދާއިރާތަކުގައި ބައިވެރިވުމަށް މަސައްކަތް ކުރުން ހިމެނެ އެވެ.
ސުނާކް ވިދާޅުވީ ރަޝިޔާއިން ކުރާ ހަނގުރާމައިގައި އެގައުމުގެ ވައިގެ އަސްކަރިއްޔާއަށް އެއްބާރުލުން ދިނުމުގެ ގޮތުން އިނގިރޭސިވިލާތުން ޔޫކްރެއިންގެ ޕައިލެޓުން ތަމްރީނުކުރަން ފަށާނީ މި އަހަރުގެ ހޫނު މޫސުމުގައި ކަމަށެވެ.
ވޮލޮޑިމީރް ޒެލެންސްކީއާ ގުޅިވަޑައިގެން ސުނަކް ވިދާޅުވީ ޔޫކްރެއިންގެ ރައީސަށް ވުރެ ބޮޑަށް ސުލްހަ އަށް އެއްވެސް މީހަކު ބޭނުން ނުވާ ކަމަށާއި ނަމަވެސް ސުލްހައިގެ ހާލަތު ބިނާވާން ޖެހޭނީ ޔޫކްރެއިންގެ އުސޫލުތަކުގެ މައްޗަށް ކަމަށެވެ.
ތިން ދުވަހުގެ މުއްދަތަށް ކުރިއަށް ގެންދިޔަ މި ސަމިޓުގައި ޖީ7 އިން ވަނީ ދިގު މުއްދަތަކަށް ޔޫކްރެއިންއާ އެކު ތިބުމަށް ތައްޔާރަށް އޮތް ކަމުގެ އިޝާރާތެއް ރަޝިއާއަށް ދީފަ އެވެ.
