ރައީީސް ނަޝީދު އުޅުއްވަނީ، ވެރިކަމަށް ފެންބޮވައިގަނެގެން، ކެތް ނުވެގެން: އިސްމާއީލް އަޙްމަދު
ރައީީސް މުޙައްމަދު ނަޝީދު އުޅުއްވަނީ، ވެރިކަން ނުލިބިގެން "ކެތް ނުކުރެއްވިގެން" ކަމަށް ރައްޔިތުންގެ މަޖިލީހުގެ ދުވާފަރު ދާއިރާގެ މެމްބަރު އިސްމާއީލް އަޙްމަދު ވިދާޅުވެއްޖެއެވެ.
އޭނާ މިހެން ވިދާޅުވީ، ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުންނެވެ. އިސްމާއީލް ވިދާޅުވި ގޮތުގައި، ރައީސް އިބްރާހީމް މުޙައްމަދު ޞާލިޙުގެ ވާދަވެރިންނަށް ކެތް ނުކުރެއްވެނީ، އެމަނިކުފާނު، މި އަހަރުގެ ރިޔާސީ އިންތިޚާބު އެއްބުރުން ކާމިޔާބު ކުރައްވާނެކަން އެނގޭތީއެވެ.
ރައީސް ނަޝީދަށް ވަރަށް ބޮޑަށް ފާޑުވިދާޅުވެ، އިސްމާއީލް އިތުރަށް ވިދާޅުވީ، ރާއްޖޭގެ އަތޮޅެއް ބެލެހެއްޓުމަށް ނުކުރާހާ ޚަރަދު، ރައީީސް ނަޝީދު އެކަންޏަށް ދަޢުލަތުން ކުރާ ކަމަށެވެ.
ރައްޔިތުންގެ މަޖިލީހުގެ މިއަދުގެ ޖަލްސާވެސް ކުރިއަށް ދަނީ ޭއެމްޑީޕީގެ މެމްބަރުންނާއި، އެ ޕާޓީން ވަކިވި މެމްބަރުންނާ ދެމެދު ހިނގާ ހޫނު ބަހުސެއްގައެވެ.
