ލޯބިވެރިޔާ "ކޮށައިލި" މަންޒަރު ގިނަ ބަޔަކަށް ފެނުނުއިރު، ހުއްޓުވަން ނުކެރުނު

ިއިންޑިއާގެ ވެރިރަށް ދިއްލީގައި، އުމުރުން 20 އަހަރުގެ ޒުވާނަކު، އޭނާގެ އުމުރުން 16 އަހަރުގެ ލޯބިވެރިޔާގެ ހަށިގަނޑަށް ރަހުމެއް ނެތް ހަމަލާތަކެއްދީ، މަރައިލައިފިއެވެ.

Ads by WAMCO

މި އަނިޔާވެރި ޢަމަލު ހިންގާ މަންޒަރު، ހާދިސާ ހިނގި ސަރަހައްދުގައި ހުރި ސީސީޓީވީ ކެމެރާއަށް ވަރަށް ރީތިކޮށް ފެންނަން ހުއްޓެވެ.

ސާހިލް ކިޔާ އެ ފިރިހެންމީހާ، އަންހެން ކުއްޖާ ގަޔަށް ވަޅި ހަރަމުން ދަނިކޮށް، އެ ވަޅި އަންހެން ކުއްޖާ ބޮލަށް ވަދެއެވެ. ނަމަވެސް ވަޅި ނައްޓައި، އަނެއްކާ ވެސް ވަޅި ޖަހަން ފަށައެވެ. އެވަރުން އޭނާގެ ހިތް ނުފުރިގެން، އެތަނުގެ ކައިރީގައި ހުރި ބޮޑު ގާގަނޑެއް ނަގައި، އެތައް ފަހަރަކު ލޯބިވެރިޔާ ގައިގައި ޖަހާ މަންޒަރު ފެނެއެވެ. އެ އަންހެން ކުއްޖާގެ ހަށިގަނޑުގެ 21 ތަނަކަށް ވަނީ ވަޅިން ހަމަލާދީފައެވެ.

އެންމެ ހައިރާން ކުރުވަނިވި ކަމަކަށްވީ، މި މަންޒަރު ގިނަ ބަޔަކަށް ފެނުނުއިރު ވެސް، އެކަކަށް ވެސް އެކަން ހުއްޓުވަން ނުކެރުނު ކަމެވެ.

ލޯބިވެރިޔާއަށް ހަމަލާދީ މަރައިލި ސާހިލް 48 ގަޑިއިރުގެ ތެރޭގައި ހައްޔަރު ކުރިއިރު، އޭނާގެ މަންމަ އެދެނީ ސާހިލްއަށް މަރުގެ އަދަބު ދިނުމަށެވެ.