ޝަންގްރިއްލާ ހިންގުމަށް ހުރި ހުރަސްތައް ނައްތައިލަން ތައްޔާރު: ރައީސް
އައްޑޫ ސިޓީގެ ޝަންގްރިއްލާ ރިސޯޓް ހިންގަން ހުރި ހުރިހައި ހުރަހެއް ނައްތައިލައްވަން ތައްޔާރަށް ހުންނެވި ކަމަށް ރައީީސް އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.
ރައީީސް މިފަދައިން ވިދާޅުވެފައި ވަނީ، އައްޑޫ ސިޓީގެ ބިން ހިއްކުމުގެ މަޝްރޫޢު ރަސްމީކޮށް ފައްޓަވައިދެއްވައި، މިއަދު ވާހަކަފުޅުދައްކަވަމުންނެވެ.
ރައީސް ވިދާޅުވީ، އައްޑޫ ސިޓީގެ ޝަންގްރިއްލާ ހިންގަން ހުރި ހުރިހައި ހުރަހެއް ނައްތަވައިލެއްވުމަށް އެމަނިކުފާނު ހުންނެވީ ތައްޔާރަށް ކަމަށެވެ.
އެގޮތުން އެ ރިސޯޓުގައި އޮތް ސަރުކާރު ހިއްސާ ދޫކޮށްލައި، މިދިޔަ މާޗް މަހުގެ 18 ވަނަ ދުވަހު ހިއްސާ ބަދަލުކުރިކަމުގެ ލިޔުން ހަވާލުކޮށްފައި ވާނެކަމަށާއި، އެއާއެކު ޝަންގްރިއްލާ އަލުން ހިންގަން ފެށޭނެކަމަށް ވިދާޅުވިއެވެ.
"ދެމެހެއްޓެނިވި ގޮތެއްގައި، އައްޑޫ ޝަންގްރިއްލާ ހިންގުމަށް އެޅޭ ކޮންމެ ހުރަހެއް ނައްތައިލަން އަޅުގަނޑު މިހުރީ ތައްޔާރަށް."
ރައީސްގެ ވާހަކަފުޅުގައި، މިހާރު ހިނގަމުންދާ ތަފާތު އެކި މަޝްރޫޢުތައް ނިމުމުން އައްޑޫ ސިޓީގައި 7،000 ޓޫރިސްޓު އެނދު އޮޕަރޭޓް ވެގެންދާނެކަން ފާހަގަކުރެއްވިއެވެ.
އަދި މި ސަރުކާރުން ކުރިއަށް ގެންދާ ތަރައްޤީގެ މަޝްރޫޢުތަކާއި ރާއްޖޭގެ އިޤްތިޞާދަށް ގެންނަމުންދާ ހެޔޮ ބަދަލުތަކާ އެކު 2028 ވަނަ އަހަރު ނިމޭއިރު، ރާއްޖޭގެ އިޤްތިޞާދު ދެގުނަ ވެގެންދާނެ ކަމަށް ވެސް ރައީސް ވިދާޅުވިއެވެ.
ބަލަ 5 އަހަރުވާއިރުވެސް ޝަންގިރިއްލާ ހުރަސް ނައްތާ ނުލެވިގެން އުޅެނީ ކީއްވެތޯ ؟ ތިބޭފުޅާ އަތުގައި ހުރިހާ ބާރެއްއޮތީ !
އިޤުތިސާދު ދެގުނަވާއިރު ރާއްޖޭގެ ދަރަނި ކިހާވަރެއްވާނެތޯ ؟
ހެޔޮނުވާނެއޭ އައްޑޫ އަކީ އެއީ ޓޫރިޒަމް ޑެސްޓިނޭޝަނެއް ނޫނޭ އައްޑޫގައި ޓޫރިޒަމް ކުރިނާރާނެއޭ އައްޑޫ އަކީ އެއީ ރީތި ގޮނޑުދޮށް ތަކެއް ރީތި ފަޅު ތަކެއް އޮންނަ ތަނެއް ނޫނޭ އަދި މީހުންނަކީ އެހާ ރަނގަޅު ބައެއް ނޫނޭ ޓޫރިސްޓުން ނަށް ވެސް އޮޅުވާލާ މަކަރާއި ހީލަތް ހަދާ ޓޫރިސްޓުން އަތުން ވެސް ވައްކަން ކުރުން އިންތިހާ އަށް މަތީ ތަނެކޭ އައްޑޫ އަށް ނުދާނެއޭ ޓޫރިސްޓުން ބަދަލުގައި އައްޑޫ ހަދަންވީ އިންޑަސްޓްރިއަލް ޕާރކްސް ތައް އެއިރުން އައްޑޫ ކުރިއަރާނެއޭ…