އެސްޓީއޯގެ ބޯޓެއްގައި މަސައްކަތް ކުރާ ދިވެއްސަކު ކޮވިޑަށް ފައްސިވެއްޖެ

އިންޑިއާ އާއި ރާއްޖެއާ ދެމެދު ދަތުރުކުރާ އެސްޓީއޯގެ ބޯޓެއްގައި މަސައްކަތް ކުރާ ދިވެއްސަކު ކޮވިޑް-19 އަށް ފައްސިވެއްޖެއެވެ.

Ads by Hajj Corporation

ހެލްތު އިމަޖެންސީ އޮޕަރޭޝަންސް ސެންޓަރު(އެޗްއީއޯސީ) އިން ހާމަކުރި ގޮތުގައި ކޮވިޑް-19 އަށް ފައްސިވެފައި ވަނީ އެ ބޯޓުގައި މަސައްކަތް ކުރާ ދިވެހި ފިރިހެނެކެވެ. އެކަމަކު، އެމީހާއާ ބެހޭ އިތުރު މައުލޫމާތެއް އެޗްއީއޯސީ އިން ނުދެއްވައެވެ.

އިއްޔެ ރާއްޖެ އިން އިތުރު 124 މީހަކު ކޮވިޑަށް ފައްސިވެފައިވާއިރު ރާއްޖެއިން ކޮވިޑް-19 ޖެހުނު މީހުންގެ އަދަދު މިހާރު ވަނީ 5،785 އަށް އަރައިފައެވެ. އޭގެ ތެރޭގައި ހިމެނެނީ 3،224 ދިވެހިންނާއި 2،561 ބިދޭސީންނެވެ. މި ބަލިން ރަނގަޅުވެފައި ވަނީ 3،349 މީހުންނެވެ.