ރައީސް ނަޝީދު އެމްޑީޕީން ވަކިވެއްޖެ
އެމްޑީޕީގެ ރައީސް މުހައްމަދު ނަޝީދު އެ ޕާޓީން ވަކިވެވަޑައިގެންފިއެވެ.
ޓްވިޓާގައި ރައީސް ނަޝީދު އާންމުކުރެެއްވި ސިޓީއެއްގައި ބުނެފައިވަނީ އެމްޑީޕީން ވަކިވާން ނިންމީ ރާއްޖޭގައި މިވަގުތު ކަންކަން ހިނގަމުންދާ ގޮތަށް ބަލާ, އެމަނިކުފާނު އެމްޑީޕީގައި ހުރުމަކީ އެންމެ ރަނގަޅު ގޮތް ކަމަށް ނުފެންނާތީ ކަމަށެވެ.
"އަޅުގަނޑު ތިޔަ ޕާޓީ އިން ވަކިވި ވާހަކަ ދެންނެވީމެވެ،" ނަޝީދު އަތްޕުޅުން ލިޔުއްވާފައިވާ ސިޓީގައި ވިދާޅުވެފައިވެއެވެ.
މިއާއެކު އެމްޑީޕީގެ ރައީސްގެ މަގާމުން ވެސް އެމަނިކުފަނު ވަނީ ވަކިވެފައެވެ.
ރައީސް ނަޝީދު އެމްޑީޕީން ވަކިވެފައިވާއިރު މިދިޔަ ހޯމަ ދުވަހު ބޭއްވި ނޫސްވެރިންގެ ބައްދަކުވުމެއްގައި ނޫސްވެރިއަކު ކުރެއްވި ސުވާލަކަށް ޖަވާބު ދެއްވަމުން ރައީސް ނަޝީދު ވިދާޅުވީ އެމްޑީޕީ ދޫކޮށްނުލާ ހުންނެވީ އެ ޕާޓީ ޑިމޮކްރެސްޓްގެ ތެރެއަށް، ގެނައުމުގެ ނިޔަތުގައި ކަމަށެވެ.
