ގޯތި ލިސްޓް; މީސްމީޑިއާ ބޮޑު ޒުވާބަކަށް, ސައްހަ ނޫން އެތައް މައުލޫމާތެއް
މި އީދުގައި އެންމެ ގިނަ ބަޔަކު ދެއްކެވި އެއް ވާހަކައަކީ ސަރުކާރުން ހޯމަ ދުވަހު ހާމަ ކުރި ބިންވެރިޔާ ސްކީމުން ގޯތި ލިބުނު ވާހަކައެވެ. އެތައް ބައެއްގެ އެތައް އިހްސާސްތަކެއް މީސްމީޑިއާއަށް ބަންޑުންކޮށްލިއެވެ. މައްސަލަތަކާއި, އެކަމަށް ކުރި ތައުރީފުތަކާއި އެކުގައެވެ. ރައްޔިތުންގެ މަޖިލީހުގެ މެންބަރުންނަށް ގޯތި ލިބުނު ވާހަކައާއި, އެކްޓިވިސްޓުންނަށް ލިބުނު ގޯތީގެ ވާހަކަތަކެވެ. ސަރުކާރާ އެއްކޮޅު މީހުންނާ ދެކޮޅު މީހުންނަށް ގޯތި ލިބުނު ވާހަކަތަކެވެ. ލިސްޓްގައި ހުރި މުހިންމު މައްސަލަތަކުގެ ވާހަކައާއި, ސިޔާސީކޮށްލައިގެން ދައްކަމުން އަންނަ ވާހަކައެވެ.
ކޮންމެޔަކަސް, މި ވާހަކަތަކުގެ ތެރެއިން އުފަންވީ ބޮޑު ސައްހަ ނޫން މައުލޫމާތުގެ ގޯންޏެކެވެ. ޤަބޫލު ކުރާނީ ކާކު ދައްކާ ވާހަކަތޯ އޮޅުންއަރާ ހިސާބަށް ކަންކަން ގޮސްފިއެވެ.
ލިސްޓްގައި ނަން އޮތް ބިދޭސީ 10 މީހުން
ގޯތީގެ ލިސްޓާއެކު ލިސްޓް އެނަލިސިސް ހެދުމަށް ގިނަ ބަޔަކު މަސައްކަތް ކުރިއެވެ. އެނަލިސިސްތަކާއެކު ބައެއް މައްސަލަތައް ފާހަގަ ވެސް ވާން ފެށިއެވެ. ވަގުތީ ލިސްޓެއް އެކުލަވާލުމުގެ ބޭނުމަކީ ވެސް އެއީތާއެވެ. މައްސަލަތައް ދެނެގަނެ އެކަން ހައްލު ކުރުންތާއެވެ.
އިއްޔެ އެންމެ ބޮޑު މައްސަލައަކަށް ދިމާވި ކަމަކީ ދާދި ފަހުން ދިވެހި ރައްޔިތުކަން ދިން އިންޑިއާ މީހެއްގެ ނަން އޮތުމުން ދިމާވި މައްސަލައެވެ. މއ. މަލިކުވިއު، ހަބީބު ރަހިމާން މުހައްމަދު ހަނީފާ، އިނީ ޝަރުތުހަމަވާ، އިތުރު މީހަކާ ޖޮއިންވުމުން ގޯތި ލިބުމުގެ ފުރުސަތު ލިބޭ ބައިގައެވެ. އެއާއެކު އަނެއްކާ ވެސް ބޮޑު ލިސްޓެއް މީސްމީޑިއާގައި އާއްމުވިއެވެ. އެއީ ގޯތި ލިބޭ 10 ބިދޭސީން ތިބި ކަމަށް ބުނާ ލިސްޓެކެވެ.
މި ލިސްޓަކީ ދޮގެއްކަން ގެދޮރުވެރިޔާ ކޮމެޓީގެ ޗެއާ އަދި ހައުސިން މިނިސްޓަރީގެ ސްޓޭޓް މިނިސްޓަރު، އަކްރަމް ކަމާލުއްދީން ވަނީ ހާމަކޮށްދެއްވާފައެވެ. އަދި ލިސްޓްގައި އޮތް ބިދޭސީންގެ ނަން އައި ގޮތް ވަނީ ތަފްސީލްކޮށްދެއްވާފައެވެ.
އަކްރަމް މީޑިއާއަކަށް ވިދާޅުވެފައިވަނީ, އެ މީހުންނަށް ގޯތި ލިބޭ ގޮތަށް ލިޔެފައިވަނީ, އެމީހުންނަކީ މީގެ ކުރިން އެހެން ގައުމެއްގެ ބައެއްކަން ޑީއެންއާރުގެ ސިސްޓަމުން އެނގެން ނެތުމުން ކަމަށެވެ. އަދި އެކަން ހިނގާފައި އޮތީ މައުލޫމާތު ހޯދިއިރު, މާލެ ނޫން އެހެން ރަށެއްގައި މީގެ ކުރިން ރަޖިސްޓްރީވެފައި ނެތް މީހުން ހޯދުމުން ކަމަށް އޭނާ ވިދާޅުވިއެވެ. އަދި މައުލޫމާތު ހޯދިއިރު ސިޓިޒެންޝިޕް ނަގާފައި ހުރި މީހަކު ކުރިމަތިލާނެ ކަމަށް ވިސްނުން ނެތް ކަމަށް ވިދާޅުވިއެވެ.
މިހާރު އާއްމުވެފައިވާ އެ ލިސްޓަށް ޝަކުވާ ހުށަހެޅުމުގެ ފުރުސަތު އަންނަ ޖުލައި މަހުގެ 15 ވަނަ ދުވަހާ ހަމައަށް ވަނީ ހުޅުވައިލާފައެވެ. ދާއިމީ ލިސްޓު އިއުލާނު ކުރާނީ އެ ޝަކުވާތައް ބެލުމަށްފަހުއެވެ.
ރާއްޖޭގެ ސިޓިޒެންޝިޕް
ގޯތީގެ ވާހަކަތާއެކު ދެން އާއްމުވި އަނެއް ވާހަކައަކީ ރާއްޖޭ ސިޓިޒަންޝިޕްގެ ޤާނޫނެވެ. ރާއްޖޭއިން ބޭރުގެ ގިނަ ފަރާތްތަކެއް ދިވެހިންނާ ކައިވެނިކޮށްގެން ސިޓިޒަންޝިޕް ވަނީ މީގެ ކުރިން ވެސް ނަގާފައެވެ. އެގޮތުން ރާއްޖޭގައި އުޅޭ އަވައްޓެރި ޤައުމުތައް ކަމަށްވާ, އިންޑިއާ, ލަންކާ, ބަންގްލަދޭޝްގެ ގިނަ ފަރާތްތަކުން ދިވެހިންނާ އިނދެގެން ދިވެހިންނަށް ވަނީ ވެފައެވެ. މިއީ މީގެ ކުރިން ދިމާވި މައްސަލައެއް ނޫނެވެ. ނަމަވެސް ގޯތީގެ ލިސްޓާއެކު އައު މައްސަލަތަކެއް މިވަނީ ފެންމަތިވެފައެވެ.
ޚާއްސަކޮށް އަވައްޓެރި އިންޑިއާއާ މިކަން ގުޅުވާ ދަނީ ގިނަ ތުހުމަތު ތަކެއް ކުރަމުންނެވެ. މިގޮތުން އިންޑިއާގެ އަސްކަރީ މީހުންނަށް ދިވެހި ޕާސްޕޯޓް ދޭން އުޅޭ ކަމަށްބުނެ ވާހަކަތައް އަނބުރަމުން އަންނައިރު, އެގޮތަށް ދިވެހި ޕާސްޕޯޓް އޮންނަ ފަރާތްތަކަކީ ދެ ޤައުމުގެ މީހުން ކަމުގައިވެދާނެ ކަމަށް ވެސް އަޑުތައް ދަނީ ފަތުރަމުންނެވެ.
ނަމަވެސް އިންޑިއާގެ ޤާނޫނު ބުނާ ގޮތުން އެހެން ޤައުމުގެ މީހަކަށް ވެވޭނީ, އިންޑިއާގެ ޕާސްޕޯޓް ދޫކޮށްލުމަށްފަހުގައެވެ. އަދި އިންޑިއާގެ ޕާސްޕޯޓް ދޫކޮށްލާ މީހަކަށް ފަހުން, އިންޑިއާ މީހަކަށް ވެވޭނެ ފުރުސަތެއް ނޯންނާނެއެވެ.
ގޯތީގެ ލިސްޓާއެކު މިވަނީ ބޮޑު މައްސަލައެއް ފެންމަތިވެފައެވެ. އެއީ ދައުލަތަށް އިތުބާރު ކަނޑުވާލަން ކުރަމުން އަންނަ މަސައްކަތެވެ. ސަރުކާރުން އާއްމުކުރި ލިސްޓްގައި މައްސަލަތައް ހުންނާނެކަމަށާއި, އެ މައްސަލަ ރިޕޯޓް ކުރުން ފުރުސަތު ދީފައިވާއިރު, މީހުންގެ ޒާތީ މައުލޫމާތާއި ފޮޓޯ މީސްމީޑިއާގައި އާއްމު ކުރުމުގެ, ސިޔާސީ ނޫން އެހެން ބޭނުމެއް އޮންނާނެހެން ހިއެއް ނުވެއެވެ.
ނޫސްވެރިކަމުގެ ލާމަސީލު ލިޔުމެއް ..މީހަގީގީ މިނިވަން އިންސާފުވެރި ނޫސް ވެރިންނަކީ..
ޕުރިޔަންކާ ، ދީޕިކާ މިހާރު އިގިރޭސި ވިލާތުގަ ދިރިއުޅޭސޯނަމް ކަޕޫރު އާކްސޭ ފަދަ މީހުން ނަކީ އިންޑިޔަގެ ޕާސްޕޯޓައެކު އެހެންގައުމުތަކުގެ ޕާސްޕޯޓް ވެސް ގެންގުޅޭމީހުން ތިވާހަކައިގެ ހަގީގަތް ބެލުމަށް ފަހު ތިވާހަކަ ގަބޫލު ކުރެވެނީ . ޔަޤީނަށް އެގެނީ މިމީހުން އެހެން ގައުމު ތަކުގެ ޕާސްޕޯޓް ގެންގުޅޭކަށް . މިމީހުން ނޫނަސް އިންޑިޔާމީހުން ގައުމުތަކުގެ ޕާސްޕޯޓައެކު އިންޑިޔާޕާސްޕޯޓް ގެންގުޅޭނެ .
ހުސްދޮގު އަކްރަމް ހަދަނީ ހަމަ އެއްވެސް ބެލުމެއް ނެތި ތިޔަބުނާ ކޮމެޓީއެއްގަ ތިބި ބަޔަކު އެމީހުން ހިތާވެގެން އުޅޭ މީހުންނަށާ އެމީހުންގެ ތިމާގެ މީހުންނަށް ބަހާފަ އޮތީ ރަށް ރަށުން އައިސް ދަފްތަރްގަ ޖެހިފަ ތިބި ކޮމެޓީ ތިބި މީހުން ބޭނުންވާ މީހުންނަށްވެސް ދީފަ އޮތީ