ބޭރުގެ އާއްމުދަނީ ދަށްވެ, ޕާކިސްތާންގެ އިޤްތިޞާދު އިތުރަށް ދަށަށް!
ރާއްޖެއިން ބޭރުގައި މަސައްކަތްކުރާ ޕާކިސްތާނުން ގެއަށް ފޮނުވާ ފައިސާ 2023 ވަނަ އަހަރު 27 ބިލިއަން ޑޮލަރަށް ދަށަށް ގޮސްފައިވާއިރު، އޭގެ ކުރީ އަހަރު އެ އަދަދު ވަނީ 31.3 ބިލިއަން ޑޮލަރަށް ދަށްވެފަ އެވެ.
މަރުކަޒީ ބޭންކުގެ ތަފާސް ހިސާބުތައް ދައްކާ ގޮތުން ޖޫން މަހު ރެމިޓެންސްގެ އަދަދު ވަނީ 2.2 ބިލިއަން ޑޮލަރަށް ދަށްވެފަ އެވެ. މި ފައިސާ މައިގަނޑު ގޮތެއްގައި ހޯދީ ސައުދީ އަރަބިއްޔާ (515.1 މިލިއަން ޑޮލަރު)، އިނގިރޭސިވިލާތް (343 މިލިއަން ޑޮލަރު)، ޔުނައިޓެޑް އަރަބް އެމިރޭޓްސް (324.7 މިލިއަން ޑޮލަރު) އަދި އެމެރިކާ (272.3 މިލިއަން ޑޮލަރު) އިންނެވެ.
މިދިޔަ އަހަރު ވޯލްޑް ބޭންކުން ބުނި ގޮތުގައި އިންޑިއާ، މެކްސިކޯ، ޗައިނާ، ފިލިޕީންސް އަދި މިސްރުފަހަތުން 2022 ވަނަ އަހަރު ދުނިޔޭގެ ހަވަނަ އަށް އެންމެ ގިނައިން ރެމިޓެންސް ލިބުނު ގައުމަކީ ޕާކިސްތާން ނަމަވެސް ޓޮންގާ، ލުބުނާން އަދި ސަމޯއާ އަކީ ޖީޑީޕީގެ ނިސްބަތުން ބޭރުން ގައުމަށް ފޮނުވާ ފައިސާއަށް އެންމެ ބޮޑަށް ބަރޯސާވެފައިވާ ގައުމެވެ.
މިއީ 1947 ވަނަ އަހަރު އިނގިރޭސިވިލާތުން މިނިވަންކަން ލިބުމަށްފަހު އެންމެ ބޮޑު ކާރިސާއަކާ ކުރިމަތިލާން ޖެހިފައިވާ ޕާކިސްތާނުގެ އިގްތިސާދަށް އަނެއްކާވެސް ހީނަރުކަމެއް އަންނާނެ ކަމުގެ އިޝާރާތެކެވެ.
މާލީ ގޮތުން އެތައް އަހަރެއް ވަންދެން ކުރިމަތިވި ހީނަރުކަމާއި، ދުނިޔޭގެ ހަކަތައިގެ ދަތިކަމާއި ފެންބޮޑުވުމުގެ ސަބަބުން އިގްތިސާދު ހީނަރުވެ، އިންޓަނޭޝަނަލް މަނިޓަރީ ފަންޑް (އައިއެމްއެފް) އިން އިގްތިސާދީ ގޮތުން ހަރުކަށި ފިޔަވަޅުތަކެއް އަޅަން ޖެހުނީ ޕާކިސްތާނުގެ މަރުކަޒީ ބޭންކުން ބެއިލްއައުޓް ހޯދަން މަސައްކަތް ކުރަމުން ދަނިކޮށެވެ.
އައިއެމްއެފްގެ 3 ބިލިއަން ޑޮލަރުގެ ކުރު މުއްދަތުގެ މާލީ ޕެކޭޖަކީ މި މަހުގެ 12 ވަނަ ދުވަހު އެ ޖަމިއްޔާގެ ބޯޑުން ރުހުން ދޭން ޖެހޭ ޕެކޭޖެކެވެ.
