ލޫކަސް މަޤާމުން އިސްތިއުފާ ދީފި
ހެރިޓޭޖް މިނިސްޓްރީގެ ޑިރެކްޓަރުގެ މަޤާމުން، ސޯޝަލް މީޑިއާ އެކްޓިވިސްޓް ޝަމްއޫން ޖަލީލް(ލޫކަސް) އިސްތިއުދާ ދީފިއެވެ.
އޭނާ ރައީސް އިބްރާހީމް މުޙައްމަދު ޞާލިޙަށް ފޮނުއްވި ސިޓީގައި ވަނީ، މިއަދު އިސްތިއުފާ ދެއްވާ ކަމަށާއި، ސަރުކާރުގައި މަސައްކަތް ކުރުމުގެ ފުރުސަތަކީ ތަޖުރިބާއެއް ކަމަށެވެ.
"އަބަދުވެސް ބަހައްޓަވާ ގާާތް ކަމަށް ރައީސުލްޖުމްހޫރިއްޔާއަށް ޝުކުރިއްޔާ." ސިޓީގައިވެއެވެ.
ލޫކަސްގެ ރަށް، ބ.ކުޑިކިލަށް ޕީޕީއެމް-ޕީއެންސީގެ ވަފްދެއް ވަޑައިގަތުމުން، ލޫކަސް އެބޭފުޅުންނާއެކު ފޮޓޯއެއް ނެގި މައްސަލަ އޮތީ ހޫނުވެފައެވެ.
އެމްޑީޕީގެ އިސްބޭފުޅުން ތިއްބަވާ ގްރޫޕްތަކުގައި މިކަމާ ގުޅޭގޮތުން ނުރުހުން ފާޅުކުރައްވައިފައިވެއެވެ.
ލޫކަސް މަޤާމުން އިސްތިއުފާ ދިންއިރު، އޭނާ އަކީ ރައީީސް މުޙައްމަދު ނަޝީދާ ވެސް އަރިސް މީހެކެވެ. ރައީސް ނަޝީދު އިސްވެ ހުންނަވައި އުފެއްދެވި "ދަ ޑިމޮކްރެޓްސް"އަށް އެމަނިކުފާނު މިރޭ ސޮއި ކުރައްވާނެއެވެ.
Ads by STO
