އެމެރިކާގެ ސެނެޓް ލީޑަރު ބޭނުންވަނީ ޗައިނާއަށް ފިޔަވަޅު އަޅަން
އެމެރިކާގެ ސެނެޓުގެ މެޖޯރިޓީ ލީޑަރު ޗަކް ޝޫމަރ، ސިންތެޓިކް އޮޕިއޮއިޑް ފެންޓަނިލް އުފެއްދުމުގައި ޗައިނާގެ ދައުރެއް އޮތްކަމަށް ތުހުމަތުކުރެވޭތީ، ޗައިނާއަށް ދަތިކުރުމުގެ ފިޔަވަޅު އެޅުމަށް ކުރިއަށް އޮތް ދިފާއީ ސިޔާސަތުގެ ޤާނޫނުގައި ބައިޕާޓިޝަން އިސްލާހެއް ހިމެނުމަށް ބާރު އަޅުއްވާނެކަމަށް އޭނާ އާދީއްތަ ދުވަހު ވިދާޅުވެއްޖެއެވެ.
އެމެރިކާގެ އެތައް ހާސް ބަޔަކު އޯވަޑޯޒްވެގެން މަރުވުމުގެ ޒިންމާ އުފުލަން ޖެހޭ ކަމަށް އެމެރިކާގެ ކަމާބެހޭ ފަރާތްތަކުން ބުނާ ފެންޓަނިލްގެ ބޮޑު ބައެއްގެ ޒިންމާ ޗައިނާގެ ބޮލުގައި އަޅުވާކަމަށް ޝޫމަރ ވަނީ ވިދާޅުވެފައެވެ. އޭނާ ވިދާޅުވި ގޮތުގައި މި ބޭހަކީ ޗައިނާގެ ޕްރޮޑަކްޝަން ސައިޓްތަކުން ލިބޭ ބޭހެކެވެ.
ނިއުޔޯކްގައި ބޭއްވި ނިއުސް ކޮންފަރެންސެއްގައި ޝޫމަރ ވިދާޅުވީ ދިފާއީ ބިލަށް އަޅުގަނޑު އިސްލާހެއް ގެނައުމަށް މަސައްކަތް ކުރާނަން ކަމަށާއި އޭގެ ތެރޭގައި ބޮޑެތި ފެންޓަނިލް ސްޓޮޕިން އެންޑް އެޕްރޫވްޑް އެމްޕަވަރިން ގާނޫނެއް ހިމެނޭނެ ކަމަށާއި އެ ބިލް މި ހަފުތާގައި ތަޅުމަށް ގެންނާނެ ކަމަށެވެ.
"އަޅުގަނޑު އުންމީދު ކުރަން އެކަން ފާސްވާނެ ކަމަށް. އަޅުގަނޑު ދެކޭގޮތުގައި، އެކަން ފާސްވެގެންދާނީ، ވަރަށް ވަރުގަދަ ބައިޕާޓިޝަނަލް އެއްބާރުލުމާއެކީގައި. އަދި އެކަން ވެސް ކުރަން ވާނެ އެވެ. އެކަން ކުރަން ޖެހޭނެ."
ވޮޝިންޓަން ޑީސީގައި ހުންނަ ޗައިނާ އެމްބަސީގެ ބަހެއް އަދި ވަނީ ލިބޭ ގޮތް ނުވެފަ އެވެ.