ވ.އަތޮޅުގައި ޕިކްނިކް އައިލެންޑެއް ތަރައްޤީ ކުރަނީ
ވ.އަތޮޅުގެ ރައްޔިތުން ދަތުރު ގޮސް މަޖާކޮށްލާނެ ރަށެއް ކަނޑައަޅައި ތަރައްޤީ ކުރަން ރައީސް އިބްރާހީމް މުޙައްމަދު ޞާލިޙު މިއަދު ވަޢުދުވެވަޑައިގެންފިއެވެ.
ރައީސް މިއަދު ގެންދަވަނީ ކެމްޕެއިނު ދަތުރުފުޅެއްގައި ވ. އަތޮޅަށް ދަތުރުކުރައްވަމުންނެވެ.
މި ދަތުރުފުޅުގައި، ތިނަދޫގައި އެމަނިކުފާނަށް ތާއީދު ކުރާ ފަރާތްތަކާއި ބައްދަލު ކުރައްވައި ރައީސް ޞާލިޙު ވިދާޅުވީ، ވ.އަތޮޅުގެ ބައެއް ރަށްތަކުގައި ޕިކްނިކް އައިލެންޑެއް ތަރައްޤީ ކުރުމުގެ ވާހަކަ ދެކެވިފައިވާ ކަމަށެވެ.
"މި ރަށުގައިވެސް އެ ވާހަކަ ދެކެވިފައި އޮންނާނެ. އަދި ވަކި ބަޔަކު ބޭނުންވާ ވަކި ރަށެއްގެ ވާހަކަ ވެސް، ދެކެވޭ. ހިންގަވާ އެކަން ޙައްލު ކުރަން. ތި ބޭފުޅުން ދެކެވަޑައިގަންނަވާ ގޮތް އަޅުގަނޑާ މަޝްވަރާ ކުރައްވާ."
ރައީީސް ވިދާޅުވީ، މިކަމުގައި ގިނަ ރައްޔިތުން ބޭނުންވާ ގޮތް ހޯދުމަށްފަހުގައި، އެގޮތަށް ކަންތައް ފަހިކޮށްދެއްވަން، އެމަނިކުފާނު ހުންނެވީ ތައްޔާރަށް ކަމުގައެވެ.
ފެލިދޫގައި ސަޕޯޓަރުންނާ މުހާތަބުކުރައްވަމުން ރައީސް ވިދާޅުވީ ބައެއް ރައްޔިތުން ބޭނުންވަނީ ރަށެއް ހިއްކައިގެން ޕިކްނިކް އައިލެންޑެއްގެ ގޮތުގައި އެ ރަށް ތަރައްގީ ކުރަން ކަމަށް ވިޔަސް މީހުން ދިރިއުޅޭ ރަށަކާ ގުޅިފައި އޮންނަ ގޮތަށް ޕިކްނިކް އައިލެންޑެއް ތަރައްގީކުރަން އެދޭ ރައްޔިތުން ވެސް އުޅޭ ކަމަށް ރައީީީސް ވިދާޅުވިއެވެ.
ރައީީސް އިތުރަށް ވިދާޅުވީ، ދިވެހިރާއްޖެއިން ދެކެން ބޭނުންވާ ތަރައްޤީ، ވ.ތިނަދޫއިން ފެންނަމުންދާ ކަމަށާއި، އެރަށުގައި ހުރެގެން ޑޮޓްޓަރަށް ދައްކައި، ބޭސް ހޯދޭނެ ގޮތް ހެދުމަށް، ބޭސް ފިހާރައެއް ހުޅުވާނެ ކަމަށެވެ.
Ads by STO
