އެމްޑީޕީ ރޫޅައެއް ނުލެވޭނެ، ދާނީ ކުރިއަށް: ރައީސް
އެމްޑީޕީ ރޫޅައިލާނެ ކަމަށް ވިދާޅުވެ، އެ ޕާޓީގެ ކުރީގެ ރައީީސް މުޙައްމަދު ނަޝީދު ދެއްކެވި ވާހަކަފުޅުތަކަށް ރައީސް އިބްރާހީމް މުޙައްމަދު ޞާލިޙު ރައްދު ދެއްވައިފިއެވެ.
ރައީސް ޞާލިޙު ވަނީ އެ ޕާޓީ ރޫޅައި ނުލެވޭނެކަމަށާއި އެމްޑީޕީ ދާނީ ކުރިޔަށްކަމަށް ވިދާޅުވެފައެވެ.
އެމަނިކުފާނު މިހެން ވިދާޅުވީ މ އަދި ވ އަތޮޅަށް ކުރެއްވި ކެމްޕެއިން ދަތުރުފުޅު ނިންމަވައިލައްވައި ނޫސްވެރިންނާ ވާހަކަފުޅުދައްކަވަމުންނެވެ.
އެމްޑީޕީ ބައިބައިވެދާނެތޯ ނޫސްވެރިއަކު ދެންނެވި ސުވާލަކަށް ޖަވާބު ދެއްވަމުން ރައީސް ވިދާޅުވީ، އެމްޑީޕީ ބައިބައި ނުވާނެކަމަށާއި އަބަދުވެސް އެމްޑީޕީއާ ބައެއް ބޭފުޅުން ވަކިވެވަޑައިގެންފައި އެބަހުރިކަމަށެވެ.
އަދި ލީޑަރޝިޕުންވެސް ބައެއް ފަރާތްތައް އަބަދުވެސް ދާކަމަށް ރައީސް ވިދާޅުވިއެވެ.
"އިރާދަކުރެއްވިއްޔާ އެމްޑީޕީ ރޫޅައެއް ނުލެވޭނެ، ހަމަ ޝައްކެއް އޮތް ކަމެއް ނޫން."
"ޑިމޮކްރެޓްސް"އަށް ސޮއި ކުރައްވައި، ރައީސް ނަޝީދު ވިދާޅުވީ ކަށިކެޔޮގަނޑުގެ ފޫ ވައް ވެއްޓުމުން، އެ ކެޔޮގަނޑު ރޫޅޭ ފަދައިން އެމްޑީޕީ ވެސް ރޫޅިގެންދާނެ ކަމަށެވެ. އަދި ތަކުރާރުކޮށް ވިދާޅުވީ އެ ޕާޓީ ރޫޅޭނެ ވާހަކައެވެ.
ރޫޅެމުން ދަނީ ކާކުކަން މިހާރު ނަޝީދުއަށް އެނގޭނެ.. ލަދުން ނުބުނާން އެއުޅެނީ.