މިނިސްޓަރު ވިދާޅުވަނީ ޚުތުބާގައި ކުށެއް ނެތް ކަމަށް
މިދިޔަ ހުކުރު ދުވަހުގެ ހުކުރު ޚުތުބާގައި ލިޔެފައި ވަނީ ތަފްސީރު ފޮތްތަކުގައި ވެސް ބަޔާން ކޮށްފައިވާ ވާހަކަތައް ކަމަށާއި، ޚުތުބާގައި ކުށެއް އޮތްތޯ އެކަމަށް ޢިލްމުވެރިންގެ ކޮމިޓީއަކުން އަބަދުވެސް ބައްލަވާނެ ކަމަށް އިސްލާމިކް މިނިސްޓަރު ޑރ. އަޙުމަދު ޒާހިރު ވިދާޅުވެއްޖެއެވެ.
އާޝޫރާ ދުވަހާއި ގުޅޭގޮތުން، ހުކުރު ޚުތުބާގައި ފާހަގަކުރެއްވި ކަންކަން މިނިސްޓަރު ދިފާޢު ކުރައްވައިފައި ވަނީ އޮންލައިން ނޫސް "މިހާރު"އަށް ދެއްވި އިންޓަރވިޔުއެއްގައެވެ.
އާޝޫރާ ދުވަހާ ގުޅޭ ގޮތުން އިއްޔެގެ ޙުތުބާގައި ދެއްކި ބައެއް ވާހަކަތައް ސައްހަ ނޫން ކަމަށް ވިދާޅުވެ، ބައެއް ދީނީ ޢިލްމުވެރިން ވަނީ ކަންބޮޑުވުން ފާޅުކުރައްވައިފައެވެ.
އެކަމާ ގުޅޭގޮތުން މަޝްހޫރު ދީނީ އިލްމުވެރިޔާ އަދި ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ، އާޝޫރާ ދުވަހާ ގުޅިގެން ސާބިތުވެފައި ވަނީ އެއީ މޫސާގެފާނު ފިރުއައުނުގެ ކިބައިން ސަލާމަތް ކުރެއްވި ދުވަހުގެ ގޮތުގައި ކަމަށާއި، ޚުތުބާގައި ބަޔާން ކޮށްފައިވާ ވާހަކަތަކަކީ ސައްހަ ވާހަކަތަކެއް ނޫން ކަމަށެވެ.
މިކަމާ ގުޅިގެން އިސްލާމިކް މިނިސްޓަރު ވިދާޅުވީ ހުތުބާގައި ކުށެއް އޮތްތޯ މިނިސްޓްރީން ވެސް ބަލައިފައިވާނެ ކަމަށާއި، މާނަ ކުރާ ހަދީސަކީ ރަސޫލާ(ސ.އ.ވ) އަށް ނިސްބަތް ވާ ހަދީސެއް ނޫން ކަމަށެވެ.
"ޚުތުބާގައި ލިޔުއްވާފައި ވަނީ ތަފްސީރު ފޮތްތަކުގައި ތަފްސީރު އިލްމުވެރިން ވެސް އެބަހުއްޓޭ، އެ ގޮތަށް ވާހަކަ ދައްކަވާފައި، އެހެން ކިޔާފައި ގެނެސްދީފައި އިނީ ޚުތުބާގައި." މިނިސްޓަރު ވިދާޅުވިއެވެ.
ޚުތުބާގައި ސައްހަ ނޫން މަޢުލޫމާތު ހިމަނައިފައިވާ ކަމަށް ޢިލްމުވެރިން ވިދާޅުވިއިރު، ޢަދާލަތު ޕާޓީގެ ރައީީސް، އިމްރާން ދާދި ފަހުން ބޭއްވި ކެމްޕެއިން ޖަލްސާއެއްގައި، މާާތް ނަބިއްޔާއަށް ނިސްބަތް ކުރައްވައި ސައްހަ ނޫން ހަދީޘް ބަސްފުޅެއް ވިދާޅުވި މައްސަލަ ވަނީ ފެންމަތިވެފައެވެ.
މިނިސްޓަރު ޚުތުބާގައި ކުށެއް އޮތްތޯ އެއްސެވީ އަދާލަތު ކޯލިޝަން ޕާރޓްނާސް އޮނަބްލް ޖާބިރު އާއި އޮނަރަބްލް ސަން ޝިޔާމުގެ އަރިހުންނޯ. ވީމާ ތިގައި ގޯހެއްނެތް. ޑރ. ޝަހީމް އަށްވުރެ އިބޫގެ އެ ދެޕާޓްނަރުން ދީނުގެ ފަތުވާގެ ކަންތަކާ މާބޮޑަށް ފުންނާބު އުސްވާނެ
މިހާރުދެން ރަގަޅު އިލްމުވެރިނނަކީ ކޮބައިކަން އޮޅޭހިސާބަށްގޮސްފި