އިންޑިއާއިން އެކަނި ތިން ބިލިއަން ޑޮލަރުގެ ދަރަނި ވަނީ ނަގައިފައި: ރައީީސް ވަހީދު
އަވަށްޓެރި އިންޑިއާއިން އެކަނި، ގިނަ އަދަދެއްގެ ފައިސާ ދަރަންޏަށް ނަގައިފައިވާކަން ފާހަގަކުރައްވައި، ކުރީގެ ރައީީސް ޑރ.މުހައްމަދު ވަހީދު ހަސަން މަނިކު ސަރުކާރަށް ފާޑުވިދާޅުވެއްޖެއެވެ.
ނ.މަގޫދޫގައި ބޭއްވި ރިޔާސީ ކެމްޕެއިން ޖަލްސާގައި ރައީސް ވަހީދު ވިދާޅުވީ، އިންޑިއާއިން އެކަނި ތިން ބިލިއަން ޑޮލަރު ދަރަނިގައިފައިވާ ކަމަށާއި، މި ދަރަނީގެ ސަބަބުން އެ ޤައުމުގެ އަޅުވެތިކަމަށް ގޮސްފައިވާ ކަމަށެވެ. އެގޮތުން އެއާޕޯޓެއް ފަދަ ތަނެއް އަތުލަން ޖެހިއްޖެނަމަ، ބަދަލުގެ ގޮތުގައި ތިން ބިލިއަނެއްހައި ޑޮލަރު ދޭން އެދޭނެ ކަމަށެވެ.
"ކިހިނެއްތޯ އަޅުގަނޑުމެން އޭތި އަނބުރާ އަތުލާނީ؟ މިހާލަތަށް އަޅުގަނޑުމެންގެ ރާއްޖެ މި ވައްޓާލީ، އަޅުގަނޑުމެން އިންތިހާބު ކޮށްފައި ތިބި ވެރިން. އަޅުގަނޑުމެން އެބަޔަކާ ހަވާލުކުރީ އަޅުގަނޑުމެންގެ ގެ. އަޅުގަނޑުމެންގެ ގައުމު، ހަވާލުކޮށްފަ ބުނީ، މިތަން ބަލަހައްޓާދޭށޭ، އަމާނާތްތެރިކަމާއެކު މިތަން ބަލަހައްޓާދޭށޭ، ބުނީމަ މިހެދީ ކިހިނެއްތޯ، ތަނުން ބައެއް ވިއްކާލީ." ރައީީސް ވަހީދު ވިދާޅުވިއެވެ.
ރައީީސް ވަހީދު އިތުރަށް ވިދާޅުވީ، ދިވެހި ޤައުމު މިހައި ނާޒުކު ފައްތަރެއްގައި އޮތީ، ނާޤާބިލު މީހުން ރާއްޖޭގެ ވެރިކަމަށް އިންތިޚާބު ކުރެވުމުގެ ނަތީޖާއެއްގެ ގޮތުން ކަމަށެވެ.
ރާއްޖެ ދަރައިފައިވާ ދަރަނިން ސަލާމާތްވުމަށް ކުރެވޭނެ ކަންކަން ހުރިއިރު، އެކަން ހާސިލުވާނީ، އެކަން ކުރެވޭނެ ބަޔަކާއި ވެރިކަން ޙަވާލުކޮށްގެން ކަމަށް ވެސް، ރައީީސް ވަހީދު ވިދާޅުވިއެވެ.
Ads by STO
