ސިޔާސީ ލީޑަރުން ހިޔާާނާތްތެރިންނަށް ވެއްޖެ، މިއީތޯ ޑިމޮކްރަސީ އަކީ؟: ރައީސް ވަހީދު
މިއަދު ސިޔާސީ ލީޑަރުންނަކީ ޚިޔާނާތްތެރިންނަށް ވެއްޖެ ކަމަށް ވިދާޅުވެ، ރައްޔިތުން ބޭނުންވި ޑިމޮކްރަސީ އަކީ މިއީތޯ، ރައީީސް ޑރ.މުޙައްމަދު ވަހީދު ސުވާލު ކުރައްވައިފިއެވެ.
ށ.ފޭދޫގައި ޖުމްހޫރީ ޕާޓީން ބޭއްވި ކެމްޕެއިން ޖަލްސާގައި ރާއްޖެ އިސްލާހު ކުރަން އެތައް އަހަރެންވަންދެން ކުރި މަސައްކަތުގެ ނަތީޖާ ނުފެންނަ ކަމަށް ރައީީސް ވަހީދު ވަނީ ވިދާޅުވެފައެވެ.
"މިއީ ކޮންކަހަލަ ޑިމޮކްރަސީއެއްތޯ؟ ރައްޔިތުން އަދިވެސް ހަމަ ބިކަ ހާލުގައި. ރައްޔިތުންނަށް ބުނާ ކަމެއް ކޮށެއް ނުދޭ."
ރައީސް ވަހީދު ކޯފާ އިސްކުރައްވައި، މާލޭގައި، ފިނިކޮޓަރީގައި ތިބެގެން ހަދާ މެނިފެސްޓޯއިން ރައްޔިތުންނަށް އެއްވެސް ފައިދާއެއް ނުކުރާ ކަމަށް ވެސް ވިދާޅުވިއެވެ.
"ރައްޔިތުން ކައިރީގައި އެހީމަ ނޫންތޯ އެނގޭނީ ރައްޔިތުން ބޭނުންވާ އެއްޗެއް، ރައްޔިތުން ކައިރީގައި އަހައިނުލާ، ރައްޔިތުން ކައިރިއަށް ނައިސް، ފިނި ކޮޓަރީގައި ތިބެގެން ބޮޑެތި މެނިފެސްޓޯ ހަދާފައި، ކުލަ ބޮކި ދިއްލައިގެން ބޮޑެތި ޕްރެޒެންޓޭޝަން ހެދިޔަކަސް، ރައްޔިތުންނަކަށް ކަމެއް ނުވެއޭ."
ރައީީސް ވަހީދު އިތުރަށް ވިދާޅުވީ މެނިފެސްޓޯއެއް ހެދިޔަސް، ރައްޔިތުންގެ ކައިރިއަށް ގޮސް ބޭނުންވާ ކަންކަން އޮޅުން ފިލުވަން ޖެހޭނެ ކަމަށާއި، ޖޭޕީގެ ލީޑަރު ޤާސިމް އިބްރާހީމް ޢަމަލު ކުރައްވަނީ އެގޮތަށް ކަމަށެވެ.
ޔާމީނަށްވުރެ ބޮޑު ޚިޔާނާތްތެރިއެއް ނޫޅޭ އިރު ކުރިން ކުރީ އެ ކޮންކަމެއް