ރާއްޖޭގެ ބޮޑު ބަޔަކަށް ހުދު ސަމާލު، ކަނޑު ގަދަވާނެ

މެޓް އޮފީހުން ހުދު ސަމާލު ނެރުއްވައިފައިވަނީ، ހއ.އަތޮޅުން ފެށިގެން ތ. އަތޮޅާ ހަމައަށެވެ.

މޫސުމާބެހޭ ޤައުމީ އިދާރާއިން ނެރެފައިވާ ސަމާލުގައި ވަނީ މިރޭ 12:30 އިން ފެށިގެން 18:30އާ ހަމައަށް ހއ.އަތޮޅުގެ ރަށްތަކުން ފެށިގެން ތ އަތޮޅުގެ ރަށްތަކާ ހަމައަށް ބޯކޮށް ވާރޭ ވެހުމާއެކު ގުގުރާނެކަމަށް ލަފާކުރެއްވޭ ކަމަށެވެ.

އަދި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައި ޖެހޭނެ ކަމަށާއި ވިލާގަނޑުގައި ގަޑިއަކު 50 މޭކަށް ވައި ގަދަވެ, ކަނޑުތައް ގަދަވާނެ ކަމަށް ލަފާކުރެވޭ ކަމަށް މެޓް އޮފީހުން ވިދާޅުވިއެވެ.